scorecardresearch

Premium

“लोकशाहीत राहतो, हे फक्त…”, ‘द केरला स्टोरी’ चित्रपटावर राज ठाकरेंची प्रतिक्रिया, ‘झेंडा’ चित्रपटाचा उल्लेख करत म्हणाले…

‘द केरला स्टोरी’ चित्रपटाबाबत राज ठाकरेंचं वक्तव्य

raj-thackeray-on-the-kerala-story
'द केरला स्टोरी' चित्रपटाबाबत राज ठाकरेंचं वक्तव्य. (फोटो : लोकसत्ता ग्राफिक्स टीम)

‘द केरला स्टोरी’ चित्रपट गेल्या काही दिवसांपासून अनेक कारणांमुळे चर्चेत आहेत. बॉक्स ऑफिसवर या चित्रपटाने धुमाकूळ घातला आहे. ‘द केरला स्टोरी’ चित्रपटावरुन अनेक आरोप प्रत्यारोपही सुरू आहेत. लव्हजिहादच्या जाळ्यात अडकून दहशतवादी संघटनेत सामील झालेल्या मुलींच्या सत्यघटनेवर आधारित या चित्रपटाची कथा आहे. अनेक सेलिब्रिटी व राजकीय नेत्यांनीही ‘द केरला स्टोरी’ चित्रपटाबाबत मत व्यक्त केलं आहे. आता राज ठाकरे यांनी चित्रपटाबाबत त्यांची भूमिका मांडली आहे.

अवधूत गुप्तेच्या आगामी खुपते तिथे गुप्ते या कार्यक्रमात राज ठाकरे हजेरी लावणार आहेत. या कार्यक्रमातील राज ठाकरेंचे काही व्हिडीओ सोशल मीडियावर व्हायरल होत आहेत. खुपते तिथे गुप्ते कार्यक्रमात राज ठाकरेंनी ‘द केरला स्टोरी’ चित्रपटाबाबत भाष्य केलं. ‘द केरला स्टोरी’ चित्रपटावर पश्चिम बंगाल राज्यात बंदी घालण्यात आली होती. याबाबत राज ठाकरेंना प्रश्न विचारण्यात आला.

Shinde Fadnavis Pawar
शिंदे-फडणवीस-पवार सरकारचा मोठा निर्णय, राज्यातील १२ जिल्ह्यांच्या पालकमंत्र्यांची यादी जाहीर, वाचा…
boy saved in dumas sea
१२ वर्षांच्या मुलाची २६ तास समुद्राशी झुंज; गणेशमूर्ती बसवायच्या लाकडी फळीचा मिळाला आधार!
stranded passengers near panvel station get immediate help after chief minister call
नवी मुंबई : ८ ते १० तास ट्रेन एकाच ठिकाणी थांबलेली, वैतागलेल्या प्रवाशाचा थेट मुख्यमंत्र्यांना फोन, पुढे काय झालं?
jansatta-bhupesh-baghel-interview
छत्तीसगडचे मुख्यमंत्री भूपेश बघेल यांची द इंडियन एक्स्प्रेस ऑनलाईन मीडिया समिटच्या रायपूरमधील ‘मंथन’ कार्यक्रमाला प्रमुख पाहुणे म्हणून उपस्थिती!

“द केरला स्टोरी चित्रपटावर पश्चिम बंगालमध्ये बंदी घालण्यात आली. चित्रपटावर बंदी आणणे या विषयावर तुमचं काय मत आहे,” असा प्रश्न अवधूत गुप्तेने राज ठाकरेंना विचारला. यावर उत्तर देत राज ठाकरे म्हणाले, “लोकशाहीत राहतो, हे आपण फक्त म्हणतो. तुमच्या झेंडा चित्रपटात माझं व्यक्तिमत्त्व थोडं नकारात्मक दाखविण्यात आलं, असं मी ऐकलं. मी अजूनही तो चित्रपट पाहिलेला नाही. पण मी त्यावर कधीच आक्षेप घेतला नाही.”

हेही वाचा>> IPL फायनलमध्ये स्पंजने सुकवलं मैदान, बॉलिवूड अभिनेत्याचं खोचक ट्वीट, म्हणाला, “बीसीसीआय श्रीमंत असूनही…”

राज ठाकरेंनी झेंडा चित्रपटाबाबत बोलताच अवधूत गुप्तेने तेव्हाचा एक प्रसंग शेअर केला. अवधूत गुप्ते म्हणाला, “झेंडा चित्रपट प्रदर्शित होण्याच्या अगोदर मनसेच्या काही नेत्यांनी मला फोन केले होते. मी तेव्हा राज साहेबांना भेटायला गेलो. तुमचे काही कार्यकर्ते, नेते माझा चित्रपट बंद पाडतील, असं मी त्यांना सांगितलं. आमच्यात तासभर चर्चा झाली. त्यानंतर जाताना त्यांनी मला सांगितलं, मनसेकडून तुमच्या चित्रपटाला विरोध होणार नाही. भारतीय सेन्सॉर बोर्ड चित्रपटाला प्रदर्शित करण्यासाठी परवानगी देत असेल, तर मी कोण? तुम्ही चित्रपट प्रदर्शित करा, असं त्यांनी मला सांगितलं.”

Latest Comment
View All Comments
Post Comment

मराठीतील सर्व टेलीव्हिजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Mns raj thackeray talk about the kerala story movie in khupte tithe gupte avdhoot gupte show kak

First published on: 30-05-2023 at 16:34 IST

संबंधित बातम्या

तुम्ही या बातम्या वाचल्या आहेत का? ×