“रस्त्यावरील टोल कधी संपणार?” केंद्रीय मंत्री नितीन गडकरी म्हणाले, “ते…”

केंद्रीय मंत्री नितीन गडकरी हे मोदी मंत्रिमंडळात रस्ते वाहतूक आणि महामार्ग मंत्री आहेत. नुकतंच ते ‘खुपते तिथे गुप्ते’ या कार्यक्रमात सहभागी झाले आहेत. या कार्यक्रमातील काही प्रोमो समोर आले आहेत. यावेळी अवधूत गुप्तेने त्यांना आरटीओबद्दल प्रश्न विचारला.
आणखी वाचा : “प्रथमेश लघाटेने प्रपोज केल्यानंतर होकार देण्यासाठी तीन दिवस का घेतले?” मुग्धा म्हणाली, “कारण मला…”

“आरटीओ वाल्यांना पूर्वी खूप काम होतं. ते हाताने पावती फाडायचे. पण दंड रोख वसूल करायचे. आता तुम्ही सर्व ऑनलाईन केलं आहे, त्यामुळे आमचं काम कमी केलं, म्हणून आरटीओमधील लोक तुमच्यावर नाराज होत नाहीत का?” असा प्रश्न अवधूत गुप्तेने विचारला. त्यावर नितीन गडकरींनी “मी काम कमी केलेलं नाही. त्यांना आता लक्ष्मीदर्शनाची संधी कमी मिळते”, असे मजेशीर उत्तर दिले.

आणखी वाचा : “तुम्ही लग्नासाठी इस्लाम धर्म स्वीकारला का?” उर्मिला मातोंडकर म्हणाल्या “माझ्या नवऱ्याने…”

त्यानंतर अवधूत गुप्तेने “नवीन रस्ता आला की त्यावर टोल आला आणि टोल आला की तो टोळासारखा चिकटूनच बसला तो कधी निघालाच नाही, हे टोल कधी संपणार?” असा प्रश्न विचारला. यावर नितीन गडकरींनी “हे टोल कधीच संपणार नाहीत”, असे स्पष्टपणे उत्तर दिले. त्यांचा हा व्हिडीओ सध्या सोशल मीडियावर व्हायरल होत आहे.