Entertainment News Updates : मनोरंजन क्षेत्रात सध्या सर्वाधिक चर्चा आहे ती दिग्दर्शक निर्माता करण जोहरच्या वाढदिवसाच्या पार्टीची. करण जोहरनं नुकताच ५० वा वाढदिवस साजरा केला आणि त्याची धमाकेदार पार्टी दिली. या पार्टीला जवळपास सर्वच बॉलिवूड सेलिब्रेटींनी हजेरी लावली होती. मात्र या पार्टीमध्ये घातलेल्या ड्रेसमुळे अभिनेत्री मलायका अरोराला सोशल मीडियावर ट्रोल होताना दिसत आहे. याशिवाय अभिनेता हृतिक रोशन त्याची कथित गर्लफ्रेंड सबा आझादमुळे पुन्हा एकदा चर्चेत आला आहे.
मनोरंजन क्षेत्रातील अशा अनेक महत्वाच्या घडामोडी तुम्ही इथे एका क्लिकवर पाहू शकता.
Top Entertainment News Today, 26 May 2022 : मनोरंजन क्षेत्रातील अशा अनेक महत्वाच्या घडामोडी तुम्ही इथे एका क्लिकवर पाहू शकता.
दाक्षिणात्या चित्रपटसृष्टीमधील टॉपचा कलाकार म्हणजे राम चरण. राम चरण त्याच्या चित्रपटांसाठी कोटी रुपयांमध्ये मानधन घेतो. इतकंच नव्हे तर राम चरणचं हैद्राबादमधील सगळ्यात श्रीमंत कुटुंब आहे. तो आज कोट्यावधी रुपयांच्या संपत्तीचा मालक आहे. त्याची संपत्ती नेमकी किती आहे यावर आज आपण एक नजर टाकणार आहोत.
अभिनेत्री अक्षया देवधरचे सोशल मीडियावर लाखो फॉलोवर्स आहेत. तिच्या मराठमोळ्या लूकवर तर चाहते फिदा होतात. पारंपरिक लूकमधीलच काही फोटो अक्षयाने तिच्या इन्स्टाग्राम अकाऊंटवरून शेअर केले आहेत. तिच्या या फोटोंवर लाईक, कमेंटचा वर्षाव होत आहे.
महाराष्ट्राचे माजी मुूख्यमंत्री विलासराव देशमुख यांची आज जयंती आहे. वडिलांच्या जयंतीनिमित्त अभिनेता रितेश देशमुख भावूक झाला आहे. रितेशने एक भावनिक पोस्ट सोशल मीडियाच्या माध्यमातून शेअर केली आहे. तसेच त्याने एक फोटो देखील पोस्ट केला आहे. यामध्ये रितेशची दोन मुलं विलासराव देशमुख यांच्या फोटोला नमस्कार करताना दिसत आहेत.
दहशतवादी कारवायांसाठी अर्थपुरवठा केल्याप्रकरणी काश्मीरमधील फुटीरवादी नेता यासीन मलिक याला दिल्लीतील न्यायालयाने बुधवारी जन्मठेपेची शिक्षा सुनावली. या निर्णयाचे दिग्दर्शक विवेक अग्निहोत्री यांनी कौतुक केले आहे.
विनोदवीर अभिनेता गौरव मोरेला भिमरत्न पुरस्काराने गौरवण्यात आले आहे. या पुरस्कार सोहळ्यानंतर त्याने सोशल मीडियावर एक पोस्ट शेअर केली आहे.
२१ वर्षीय मॉडेल-अभिनेत्री बिदीशा डे मजुमदारच्या (Bidisha De Mujumdar) मृत्युची धक्कादायक घटना समोर आली आहे. बंगाली अभिनेत्री आणि मॉडेल म्हणून काम करत असणाऱ्या बिदीशाचा तिच्या राहत्या घरीच मृतदेह आढळला आहे. फक्त वयाच्या २१ वर्षी बिदीशाचा मृत्यु होणं ही धक्कादायक बाब आहे.
करण जोहरच्या ५० व्या वाढदिवशी अक्षय इंडीकरने त्याच्यासाठी खास पोस्ट लिहून त्याला शुभेच्छा दिल्या. यासोबतच लवकरच तो करण जोहरसोबत काम करणार असल्याची गोड बातमीही शेअर केली. अक्षय इंडीकरची ही फेसबुक पोस्ट सोशल मीडियावर व्हायरल होत असून त्यानंतर अनेक युजर्सनी कमेंट करत अक्षयवर कौतुकाचा वर्षाव केला आहे तसेच त्याच्या पुढील वाटचालीसाठी त्याला शुभेच्छा देखील दिल्या आहेत.
संपूर्ण बातमी वाचण्यासाठी इथे क्लिक करा
बॉलिवूड अभिनेत्री मलायका अरोरा तिच्या ड्रेसिंग स्टाइलमुळे ओळखली जाते. तिच्या ड्रेसिंगमुळे ती नेहमीच सोशल मीडियावर चर्चेत असते. फिटनेसबाबत नेहमीच जागरुक असणारी मलायका अरोरा आघाडीच्या अभिनेत्रींना ड्रेसिंगच्या बाबतीत टक्कर देते. नुकतीच मलायकानं दिग्दर्शक निर्माता करण जोहरच्या वाढदिवसाच्या पार्टीमध्ये हजेरी लावली. यावेळच्या तिच्या लुकची सध्या सोशल मीडियावर जोरदार चर्चा होताना दिसत आहे. एवढंच नाही तर या लुकमुळे तिला सोशल मीडियावर ट्रोल केलं जात आहे.
अभिनेता हृतिक रोशन त्याच्या खाजगी आयुष्यामुळे नेहमीच चर्चेत राहिला आहे. रिलेशनशिपमुळे बी-टाऊनमध्ये चर्चेत असणारा हृतिक आता अभिनेत्री सबा आझादला डेट करतोय. आता तर चक्क हृतिक सबाला घेऊन दिग्दर्शक करण जोहरच्या बर्थ पार्टीला पोहोचला होता.
मिस्टर परफेक्शनिस्ट आमिर खान आणि किरण रावने जवळपास १५ वर्ष एकत्र संसार केला. मात्र गेल्या वर्षी दोघांनीही सोशल मीडियाद्वारे एक पोस्ट शेअर करत आपण घटस्फोट घेत असल्याची माहिती दिली. दोघांनी एकमेकांपासून घटस्फोट घेतला असला तरी आमिर-किरणमध्ये अजूनही चांगली मैत्री असल्याचं दिसतं. करण जोहरच्या ५०व्या बर्थ डे पार्टीला दोघांनीही हजेरी लावली होती.
‘तारक मेहता का उल्टा चष्मा’ मालिकेमधील जेठालाल या भूमिकेला प्रेक्षक भरभरुन दाद देतात. अभिनेते दिलीप जोशी यांनी ही भूमिका छोट्या पडद्यावर उत्तम साकारली आणि आजही त्यांची ही मालिका लोकप्रिय आहे. अभिनेते दिलीप जोशी यांचा आज वाढदिवस आहे. त्याचनिमित्त त्यांचं खरं आयुष्य नेमकं कसं आहे? यावर आपण एक नजर टाकणार आहोत.
नुकतंच अभिनेत्री अनुष्का शर्माने दिग्दर्शक आणि निर्माता करण जोहरच्या वाढदिवसानिमित्त आयोजित केलेल्या पार्टीला हजेरी लावली. यावेळी अनुष्का शर्माने काळ्या रंगाचा अतिशय ग्लॅमरस आणि बोल्ड ड्रेस परिधान केला होता.
नुकतंच एका मुलाखतीत उर्फी जावेदने तिच्या वैयक्तिक आयुष्याबद्दल खुलासा केला आहे. “माझ्या एका नातेवाईक कात्रीने माझे कपडे कापले होते”, असे उर्फी जावेद म्हणाली.
Top Entertainment News Today, 26 May 2022 : मनोरंजन क्षेत्रातील अशा अनेक महत्वाच्या घडामोडी तुम्ही इथे एका क्लिकवर पाहू शकता.
