आगामी सुजॉय घोष दिग्दर्शित ‘कहानी २’ या चित्रपटाच्या चित्रिकरणासाठी उत्सुक असल्याचे बॉलिवूड अभिनेत्री विद्या बालनने म्हटले आहे.
२०१२ साली प्रदर्शित झालेल्या ‘कहानी’ या चित्रपटाचा हा सिक्वल आहे. ‘कहानी’मध्ये विद्या बालन एका गर्भवती स्त्रीच्या भूमिकेत आपल्या पतीचा शोध घेताना दिसली होती. सुजॉय घोष दिग्दर्शित ‘कहानी २’ या चित्रपटात नवाजुद्दीन सिद्दीकी आणि परमब्रता चॅटर्जी यांसारखे दिग्गज कलाकार दिसणार आहेत. पुढील महिन्यात या चित्रपटाच्या चित्रिकरणास सुरुवात होत असून मी पुन्हा एकदा सुजॉय सोबत काम करण्यासाठी उत्सुक असल्याचे विद्या बालनने एका कार्यक्रमात सांगितले.