भारतीय क्रिकेट टीमचा कर्णधार विराट कोहली आणि अभिनेत्री अनुष्का शर्माची जोडी ही बॉलिवूडमधील लोकप्रिय जोड्यांपैकी एक आहे. या दोघांची जोडी ही बेस्ट जोडी आहे. विराट आणि अनुष्का यांचे अनेक फोटो आणि व्हिडीओ सोशल मीडियावर सतत व्हायरल होताना दिसतात. अनुष्कासाठी गाणं गात असलेला विराटचा एक व्हिडीओ सोशल मीडियावर प्रचंड व्हायरल झाला आहे. या व्हिडीओमध्ये विराट लग्नानंतरच्या एका पार्टीत अनुष्कासाठी 'मेरे मेहबूब कयामत होगी' गाणं गात आहे. उपस्थित असलेले सगळे पाहुणे हे विराटच्या या गाण्याचा आनंद घेताना दिसत आहेत. हा व्हिडीओ रेकॉर्ड करणाऱ्या व्यक्तीने कॅमेरा शेवटी अनुष्कावर पॅन केल्याचे दिसत आहे. त्यात अनुष्का भावूक झाल्याचे पाहायला मिळत आहे. अनुष्का आणि विराट यांनी बरेच वर्ष रिलेशनशिपमध्ये राहिल्यानंतर लग्न केलं. त्यांच्या लग्नाच्या अफवा या नेहमीच सुरू असायच्या. मात्र, अनुष्का आणि विराट यांनी ११ डिसेंबर २०१७ रोजी इटलीमध्ये लग्न करुण या अफवांना पूर्णविराम दिला. अनुष्का आणि विराटने कुटुंब आणि जवळच्या मित्रपरिवारांच्या उपस्थितीत लग्न केले. दरम्यान, जानेवारी महिन्यात अनुष्काने वामिकाला जन्म दिला. या दोघांनी त्यांच्या मुलीचा चेहरा मीडियाला अजूनही दाखवलेला नाही.
