22 January 2021

News Flash

चौपाटीजवळील मंडळांच्या मूर्तीचेच समुद्रात विसर्जन

गणेश विसर्जनासाठी पालिकेची चोख व्यवस्था

संग्रहित छायाचित्र

गणेश विसर्जनासाठी पालिकेची चोख व्यवस्था

मुंबई : गिरगाव, दादर, जुहू चौपाटीपासून दूर राहणाऱ्या भाविकांना, तसेच सार्वजनिक गणेशोत्सव मंडळांना आपल्या विभागातील पालिकेच्या कृत्रिम तलावात अथवा मंडपातच व्यवस्था करून विसर्जन सोहळा उरकावा लागणार आहे. त्यांना चौपाटीवर जाता येणार नाही.

करोना संसर्गामुळे निर्माण झालेल्या परिस्थितीत गर्दी टाळण्यासाठी पालिकेने मुंबईत ठिकठिकाणी कृत्रिम तलाव, फिरते कृत्रिम तलाव, मूर्ती संकलन केंद्रे उपलब्ध केली आहेत. चौपाटीपासून दोन किलोमीटर अंतराच्या आत राहणाऱ्यांनाच चौपाटीवर विसर्जनाची परवानगी आहे. गणेश विसर्जनासाठी यंदा पालिकेने नोंदणी बंधनकारक केली होती. पालिकेच्या काही प्रशासकीय विभागांच्या हद्दीत चौपाटी आहे. केवळ याच विभागांच्या हद्दीतील गणेशमूर्तीचे चौपाटीवर विसर्जन करण्यास परवानगी देण्यात आली आहे. विसर्जन नोंदणीसाठी उपलब्ध केलेल्या अ‍ॅपवर तसा पर्याय देण्यात आला आहे. मात्र अन्य विभागांतील अ‍ॅपवर चौपाटीचा पर्याय उपलब्ध करण्यात आलेला नाही. यंदा केवळ गिरगाव, ग्रॅन्ट रोड, मरिन लाइन्स, चिराबाजार आणि आसपासच्या परिसरातील गणेशमूर्तीना गिरगाव चौपाटीवर विसर्जन करण्यास परवानगी आहे. समुद्रकिनाऱ्याजवळ राहणाऱ्यांनाच चौपाटीवर विसर्जन करता येईल. अन्य विभागात राहणाऱ्या भाविकांनी जवळच्या कृत्रिम तलावामध्ये गणेश विसर्जन करावे, असे आवाहन ‘डी’ विभाग कार्यालयातील साहाय्यक आयुक्त प्रशांत गायकवाड यांनी के ले आहे.

विसर्जन व्यवस्था

’ गणेश विसर्जनासाठी गर्दी टाळण्यासाठी पालिकेने १६८ कृत्रिम तलाव, १७० मूर्ती संकलन केंद्र, ३७ फिरती विसर्जन स्थळे, ७० नैसर्गिक विसर्जन स्थळे अशी एकूण ४४५ विसर्जन स्थळे उपलब्ध करण्यात आली आहेत.

’ चौपाटीवर ८९६ स्टील प्लेट, ७८ नियंत्रण कक्ष, ६३६ जीवरक्षक, ६५ मोटरबोट, ६९ प्रथमोपचार केंद्र, ६५ रुग्णवाहिका, ८१ स्वागतकक्ष, ८४ तात्पुरती शौचालये, ३६८ निर्माल्य कलश, २,७१७ अतिप्रखर दिवे, ४२ निरीक्षण मनोरे, ४५ जर्मन तराफा आदींची व्यवस्था करण्यात आली आहे.

’ यंदा गणेश विसर्जन सोहळ्याचे व्यवस्थापन चोख व्हावे यासाठी ३,९६९ अधिकारी आणि १९ हजार ५०३ कर्मचारी असे २३ हजार ४७२ जणांना तैनात करण्यात आले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 1, 2020 3:08 am

Web Title: immersion of ganesh idols of mandals near the chowpatty in the sea zws 70
टॅग Ganeshotsav
Next Stories
1 पायाभूत सुविधा प्रकल्पावर केवळ ५० टक्केच मजूर
2 वांद्रे-कुर्ला संकुलात युलू ई-बाइक सुविधा सुरू
3 आवाजावरून करोनाची चाचणी
Just Now!
X