मुंबई : दहिसर येथील हरेम टेक्स्टाईलसमोर टोल नाक्याजवळ मंगळवारी सकाळी ३०० मिमी व्यासाची जलवाहिनी फुटली. यामुळे टोलनाका परिसरात पाणी साचले असून हजारो लिटर पाण्याचा अपव्यय झाला. हेही वाचा - मुंबईतील हवेची गुणवत्ता ‘मध्यम’ श्रेणीत कायम, मंगळवारी सकाळी मुंबईचा हवा गुणवत्ता निर्देशांक १३६ वर हेही वाचा - VIDEO : “पाच राज्यांच्या निवडणुका झाल्या, भाजपाला भरघोस यश मिळालं, आता…”, उद्धव ठाकरेंनी दिलं थेट आव्हान अदानी इलेक्ट्रिसिटी कंपनीतर्फे देखभालीचे काम सुरू असताना ही घटना घडली. मुंबई महानगरपालिकेच्या १९१६ या मदत क्रमांकावरून घटनेची माहिती मिळताच जलअभियंता विभागातील कर्मचाऱ्यांनी घटनास्थळी धाव घेतली आणि युद्धपातळीवर जलवाहिनीच्या दुरुस्तीचे काम हाती घेतले. दुपारी ४ वाजेपर्यंत जलवाहिनीचे दुरुस्तीकाम पूर्ण होईल, असे महनगरपलिका प्रशासनाकडून सांगण्यात आले.
