Mumbai Local : तांत्रिक बिघाडामुळे मध्य रेल्वे विस्कळीत

मध्य रेल्वेवरील लातूर-सीएसएमटी एक्स्प्रेसमध्ये तांत्रिक बिघाड झाल्याने सोमवारी सकाळच्या सुमारास मध्य रेल्वेच्या लोकल सेवेला मोठा फटका बसला.

Central Railway disrupted due to technical glitch

तांत्रिक बिघाडामुळे मुंबईच्या दिशेने जाणाऱ्या जलद मार्गावरील लोकल सेवांना सुमारे ३० मिनिटे उशीर झाला.(फोटो- संग्रहित छायाचित्र)

लोकसत्ता प्रतिनिधी

मुंबई : मध्य रेल्वेवरील लातूर-सीएसएमटी एक्स्प्रेसमध्ये तांत्रिक बिघाड झाल्याने सोमवारी सकाळच्या सुमारास मध्य रेल्वेच्या लोकल सेवेला मोठा फटका बसला. जलद लोकल सेवांवर परिणाम झाला. यामुळे प्रवाशांना इच्छितस्थळी पोहचण्यास खूप उशीर झाला.

सोमवारी सकाळी ८.१५ च्या सुमारास लातूर एक्स्प्रेसमध्ये कळवा स्थानकाजवळ तांत्रिक बिघाड झाला. ठाणे स्थानकाकडे जाण्यापूर्वी एक्स्प्रेस सुमारे २० मिनिटे थांबवण्यात आली होती. त्यामुळे रेल्वे सेवा कोलमडली. तांत्रिक बिघाडामुळे नागपूर-सीएसएमटी दुरांतो एक्स्प्रेससह इतर गाड्यांच्या वेळापत्रकावर परिणाम झाला. लातूर एक्स्प्रेस सकाळी ८.५१ वाजता मार्गस्थ झाली, असे मध्य रेल्वेच्या एका वरिष्ठ अधिकाऱ्याने सांगितले.

आणखी वाचा- Mumbai Rain Update : मुंबईत आज मुसळधारेचा अंदाज

आठवड्याच्या पहिल्याच दिवशी झालेल्या तांत्रिक बिघाडामुळे मुंबईच्या दिशेने जाणाऱ्या जलद मार्गावरील लोकल सेवांना सुमारे ३० मिनिटे उशीर झाला. तसेच काही जलद लोकल धीम्या मार्गावर वळवण्यात आल्याने धीम्या मार्गावरील लोकल सेवा कोलमडली. ज्यामुळे सर्व प्रवाशांना विलंब यातना सहन कराव्या लागल्या.