Mumbai Ganpati Visarjan 2023 Live : गणेश विसर्जन मिरवणूक पाहण्यासाठी थायलंडच्या पर्यटकांची हजेरी in mumbai tourists came from thailand to see ganesh visarjan 2023

थायलंडमध्ये मुख्यत्वे बौद्ध धर्माचे पालन केले जाते. मात्र, तेथे गणेशभक्तांची संख्यादेखील प्रचंड आहे. दरवर्षी थायलंड देशात मोठ्या उत्साहात गणेशोत्सव साजरा केला जातो.

Written by लोकसत्ता टीम

मुंबई

September 28, 2023 16:55 IST

thailand tourists came to see ganesh visarjan, mumbai ganesh visarjan, thailand tourists in mumbai, ganesh visarjan mumbai

गणेश विसर्जन मिरवणूक पाहण्यासाठी थायलंडच्या पर्यटकांची हजेरी (छायाचित्र सौजन्य - द इंडियन एक्सप्रेस)

मुंबई : गिरगाव चौपाटी येथे विसर्जन पाहण्याससाठी गुरुवारी थायलंडवरून काही मुंबईत दाखल झाले आहेत. गणरायावर असलेली श्रध्दा अनंत चतुर्दशी दिवशी मुंबईत असणारा जल्लोष पाहण्यासाठी ही मंडळी मुंबईत आली आहेत. थायलंडमध्ये मुख्यत्वे बौद्ध धर्माचे पालन केले जाते. मात्र, तेथे गणेशभक्तांची संख्यादेखील प्रचंड आहे. दरवर्षी थायलंड देशात मोठ्या उत्साहात गणेशोत्सव साजरा केला जातो. मनोभावे गणेशमूर्तीची प्रतिष्ठापना करून मोठ्या श्रद्धेने गणरायाची पूजा केली जाते.

हेही वाचा : “केम छो वरळी होर्डिंग लावणाऱ्यांमुळेच…”, मुंबईत मराठी महिलेला घर नाकारण्यावरून मनसेचा आदित्य ठाकरेंना टोला!

यंदा थायलंडमधील काही भाविकांनी गणेश विसर्जनासाठी मुंबईत येण्याचा निर्णय घेतला. त्याप्रमाणे गुरुवारी थायलंडमधील गणेशभक्त मुंबईतील गिरगाव चौपाटीवर आले. इतकेच नव्हे, तर मुंबईत विसर्जन करण्यासाठी त्यांनी चक्क थायलंडमधून गणेशमूर्ती मुंबईत आणली होती. थायलंडवरून मुंबईत आलेल्या या गणेशभक्तांनी मुंबईतील गणेश मिरवणुकींचा आनंद लुटला आणि आणलेल्या गणेश मूर्तीचे गिरगाव चौपाटीवर विसर्जन केले. थायलंडवरून गणेश विसर्जनसाठी मुंबईत येण्याची ही त्यांची दुसरी वेळ आहे.

First published on: 28-09-2023 at 16:55 IST

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: In mumbai tourists came from thailand to see ganesh visarjan 2023 mumbai print news css