मुंबई: मुख्यमंत्री लाडकी बहीण योजनेतील पात्र लाभार्थ्यांना सप्टेंबर महिन्याचा हप्ता देण्यासाठीसामाजिक न्याय विभागाचा ४१०.३० कोटींचा निधी वळता करण्यात आला आहे. महिला व बालविकास विभागाने हा निधी अनुसूचित जातीच्या व नवबौद्ध प्रवर्गातील महिला लाभार्थ्यांसाठी हा निधी वापरण्यात याव्यात अशा सूचना केली आहे. सामाजिक न्याय विभागांतर्गत येणाऱ्या अन्य योजनांचा लाभ घेणाऱ्या महिलांना मात्र लाडकी बहीण योजनांचा लाभ मिळणार नाही.
राज्य सरकारच्या सामाजिक न्याय व विशेष सहाय्य विभागाने या निधीसंदर्भातील शासन निर्णय बुधवारी जाहीर केला आहे. या शासन निर्णयानुसार मुख्यमंत्री लाडकी बहीण योजनेसाठी विभागाअंतर्गत ३९६० कोटी इतका नियतव्यय मंजूर केला आहे. त्यानंतर वित्त विभागाने सप्टेंबर महिन्यातील पात्र लाभार्थी महिलांना हप्ता देण्यासाठी एक पत्र काही दिवसांपूर्वी पाठवित निधी वितरणाची कार्यप्रणाली ठरवून दिली आहे. त्यानुसार पात्र लाभार्थ्यांना सप्टेंबर महिन्याचा हप्ता देण्यासाठी सहाय्यक अनुदानामधील ४१०.३० कोटी इतका निधी महिला व बालविकास कल्याण विभागाला वित्त विभागाने बुधवारी मंजुरी दिली आहे.
या निधीला मंजुरी देताना सामाजिक न्याय विभागाने महत्वपूर्ण सूचना महिला व बालविकास विभागाला केली आहे. ज्यानुसार महिला व बालविकास विभागाने अनुसूचित जातीच्या व नवबौद्ध प्रवर्गातील महिला लाभार्थी संख्या उपलब्ध करुन देण्याची सूचना यावेळी केली आहे. त्याचबरोबर उपलब्ध निधी हा वापर हा अनुसूचित जाती आणि नवबौद्ध प्रवर्गातील लाभार्थ्यांसाठी होईल याची दक्षता घेण्याची सूचना केली आहे. त्याशिवाय विभागाअंतर्गत संजय गांधी निराधर योजना, श्रावण बाळ सेवा राज्य निवृत्त वेतन योजने अंतर्गत पात्र लाभार्थ्यांना लाडकी बहीण योजनेचा हत्पा मिळणार नाही, याची दक्षता घेण्याची सूचनाही यावेळी करण्यात आली आहे.
