मुंबई : मध्य आणि पश्चिम रेल्वेवरील सिग्नल यंत्रणा, ओव्हर हेड वायर, रेल्वे रूळांची देखभाल दुरूस्ती करण्यासाठी आणि इतर अभियांत्रिकी कामांसाठी मेगाब्लाॅक घेण्यात येणार आहे. पश्चिम रेल्वेवर शनिवारी रात्रकालीन ब्लाॅक घेण्यात येणार आहे, मात्र रविवारी कोणताही दिवसकालीन ब्लाॅक घेतला जाणार नाही. तर, मध्य रेल्वेवर रविवारी ब्लाॅक घेण्यात येणार आहे.
मध्य रेल्वे
मुख्य मार्ग
कुठे : विद्याविहार आणि ठाणे स्थानकांदरम्यान पाचव्या व सहाव्या मार्गावर
कधी : सकाळी ८ ते दुपारी १.३० दरम्यान
परिणाम : ब्लाॅक कालावधीत पाचव्या आणि सहाव्या मार्गावरील रेल्वेगाड्या अप जलद आणि डाऊन जलद मार्गावर वळवण्यात येणार आहेत. त्यामुळे लोकल सेवा विस्कळीत होईल.
हार्बर मार्ग
कुठे : कुर्ला – वाशी स्थानकांदरम्यान अप आणि डाऊन मार्गावर
कधी : सकाळी ११.१० ते दुपारी ४.१० दरम्यान
परिणाम : सकाळी १०.३४ ते दुपारी ३.३६ पर्यंत सीएसएमटी – वाशी/बेलापूर/पनवेल येथे जाणाऱ्या डाऊन हार्बर मार्गावरील लोकल फेऱ्या आणि पनवेल / बेलापूर / वाशी येथून सकाळी १०.१६ ते दुपारी ३.४७ या वेळेत सीएसएमटीला जाणाऱ्या अप हार्बर मार्गावरील फेऱ्या रद्द करण्यात येणार आहेत. ब्लॉक काळात सीएसएमटी – कुर्ला आणि पनवेल – वाशी विभागात विशेष लोकल चालवण्यात येणार आहेत. ब्लॉक काळात हार्बर मार्गावरील प्रवाशांना ठाणे – वाशी/नेरुळ स्थानकांदरम्यान सकाळी १०.०० ते सायंकाळी ६ या वेळेत प्रवास करण्याची परवानगी देण्यात आली आहे.
कुठे : सांताक्रूझ ते गोरेगाव अप जलद आणि पाचव्या मार्गिकेवर
कधी : शनिवारी रात्री १२.३० ते पहाटे ४ दरम्यान परिणाम : ब्लाॅक कालावधीत गोरेगाव – माहीम रेल्वे स्थानकांदरम्यान अप जलद मार्गावरील लोकल धीम्या मार्गावर वळवण्यात येणार आहेत.
