मुंबई सेंट्रल जवळ लोकल ट्रेन रुळावरुन घसरली, पश्चिम रेल्वे सेवा विस्कळीत

पश्चिम रेल्वेवरील चर्चगेट ते विरार लोकल सेवा २० ते २५ मिनिटे उशिराने धावत आहे.

मुंबई

Updated: October 4, 2023 12:55 IST

local train derailed in mumbai, western railway services disrupted

मुंबई सेंट्रल जवळ लोकल ट्रेन रुळावरुन घसरली, पश्चिम रेल्वे सेवा विस्कळीत (छायाचित्र - लोकसत्ता टीम)

मुंबई : पश्चिम रेल्वेवरील मुंबई सेंट्रल येथे बुधवारी सकाळी ११.२० च्या सुमारास लोकल रुळावरून घसरली. ही लोकल कारशेडमध्ये जात होती. त्यामुळे लोकलमध्ये प्रवासी नव्हते. या घटनेमुळे पश्चिम रेल्वेवरील लोकल सेवा विस्कळीत झाली. मध्य रेल्वेवरील पनवेल-कळंबोली येथे नुकतीच मालगाडी घसरल्याची घटना घडली होती.

हेही वाचा : मुंबईत पदपथावरील मार्ग प्रतिबंधक अपंगांसाठी ठरत आहेत अडथळा, उच्च न्यायालयाकडून दखल

पश्चिम रेल्वेवरील मुंबई सेंट्रल कारशेडमध्ये रिकामी लोकल जात असताना तिचे एक चाक रेल्वे रुळावरून घसरले. त्यामुळे पश्चिम रेल्वेवरील चर्चगेट ते विरार लोकल सेवा २० ते २५ मिनिटे उशिराने धावत आहे. तसेच सर्व डाऊन धीम्या लोकल डाऊन जलद मार्गावर वळवण्यात आल्या आहेत.

First published on: 04-10-2023 at 12:49 IST