ऊसगाळप हंगाम १ नोव्हेंबरपासून; यंदा ८९ लाख मेट्रीक टन साखर उत्पादनाचा अंदाज

राज्याचा यंदाचा ऊस गाळप हंगाम १ नोव्हेंबरपासून सुरू करण्याचा निर्णय गुरुवारी मुख्यमंत्री एकनाथ शिंदे यांच्या अध्यक्षतेखालील मंत्रिमंडळ उपसमितीच्या बैठकीत घेण्यात आला.

The sugarcane harvesting season starts from November 1 and the production of sugar is estimated at 89 lakh metric tons this year

मुंबई : राज्याचा यंदाचा ऊस गाळप हंगाम १ नोव्हेंबरपासून सुरू करण्याचा निर्णय गुरुवारी मुख्यमंत्री एकनाथ शिंदे यांच्या अध्यक्षतेखालील मंत्रिमंडळ उपसमितीच्या बैठकीत घेण्यात आला. या हंगामात १४.०७ लाख हेक्टर ऊस क्षेत्र गाळपासाठी उपलब्ध होणार असून, ८८.५८ लाख मेट्रीक टन साखर उत्पादनाचा अंदाज आहे. यावर्षी ऊसाचे क्षेत्र गेल्या वर्षीच्या तुलनेत ६ टक्क्यांनी कमी झाले असून गुऱ्हाळ, खांडसरीचे वाढते प्रस्थ रोखण्यासाठी त्यांच्यावर निर्बंध आणण्याबाबतचा प्रस्ताव सादर करण्याचे आदेश मुख्यमंत्र्यांनी दिल्याची माहिती सूत्रांनी दिली.

गेल्या वर्षी राज्यात २११ साखर कारखान्यांनी गाळप परवाने घेतले असून, १०५ लाख मेट्रीक टन साखरेचे उत्पादन झाले आहे. यंदा मात्र उसाचे क्षेत्र घटल्याने साखर उत्पादन ८८.५८ लाख मेट्रीक टन इतके होण्याचा अंदाज यावेळी वर्तविण्यात आला. ऊसतोड कामगारांसाठी त्यांच्या कुटुंबासाठी, मुला-मुलींच्या शिक्षणासाठी, तसेच विविध योजनांचा लाभ देण्यासाठी साखर कारखान्यांकडून १० रुपये प्रतिटन याप्रमाणे

आणखी वाचा

Maharashtra Vidhan Sabha Nivadnuk 2024 Updates in Marathi

Maharashtra Vidhan Sabha Election 2024 : ‘जे बाळासाहेबांचे झाले नाहीत, ते राज ठाकरेंचे काय होणार?’, राजू पाटलांची मुख्यमंत्री शिंदेंवर टीका

Madhurima Raje : सतेज पाटील ज्यांच्यामुळे ढसाढसा रडले…

India is emerging as worlds third largest power generation and power consumption country

क्षेत्र अभ्यास – ‘पॉवर मोड ऑन’!

The central government has announced the guaranteed price of six rabi crops

हमीभावाचा अर्थ व अनर्थ

Constant changes in the states climate But wait for the winter

राज्यात थंडीची प्रतिक्षाच! पाऊस मात्र…

PM Narendra Modi: मोदींच्या सभांचा ८ नोव्हेंबरपासून धडाका

कोल्हापूर: पंचवार्षिक पगारवाढ लांबल्याने ऐन दिवाळीत साखर कामगारांची तोंडे कडू

Mahavikas Aghadi campaign, Sharad Pawar,

‘मविआ’च्या प्रचाराला ‘या’ दिवशी होणार सुरुवात, मोठ्या नेत्याने दिली माहिती!

वसुली करून ‘लोकनेते गोपीनाथ मुंडे ऊसतोड कामगार कल्याण महामंडळा’ला ही रक्कम देण्याचा यावेळी निर्णय झाला. या रकमेतून कामगारांच्या मुला-मुलींसाठी शाळा, वसतिगृह, कामगार हिताच्या योजना प्रभावीपणे राबवा, असे मुख्यमंत्र्यांनी सांगितले.

हेही वाचा >>>मोठी बातमी! रोहित पवार यांच्या बारामती ॲग्रोला उच्च न्यायालयात दिलासा

राज्यात गूळ आणि खांडसरीची वाढती मागणी लक्षात घेऊन अनेकजण गुऱ्हाळ, खांडसरीकडे वळले असून, राज्यभरात गुऱ्हाळ, खांडसरीचे कारखाने उभे राहू लागले आहेत. त्यामुळे येत्या काळात सहकारी साखर कारखान्यांना ऊस मिळणे मुश्किल होणार असून, मोठय़ा गुऱ्हाळ, खांडसरीवर साखर कारखान्यांप्रमाणे निर्बंध आणण्याची मागणी साखर संघाने केली होती. त्यावरही या बैठकीत चर्चा झाली. त्यानुसार शेतकऱ्यांनी सुरू केलेल्या छोटय़ा गुऱ्हाळांना वगळून मोठय़ा गुळ निर्मिती कारखान्यांना कायद्याच्या कक्षेत आणण्याबाबतचा प्रस्ताव सादर करण्याचे आदेश मुख्यमंत्र्यांनी सहकार विभागास दिले.

ऊसगाळप हंगामाबाबतच्या मंत्री समितीच्या बैठकीस उपमुख्यमंत्री अजित पवार, महसूल मंत्री राधाकृष्ण विखेपाटील, सहकार मंत्री दिलीप वळसे पाटील, आमदार प्रकाश सोळंके, माजी मंत्री हर्षवर्धन पाटील, प्रकाश आवाडे आदी सदस्यांसह मुख्य सचिव मनोज सौनिक, साखर आयुक्त डॉ. चंद्रकांत पुलकुंडवार उपस्थित होते.

First published on: 20-10-2023 at 02:29 IST

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: The sugarcane harvesting season starts from november 1 and the production of sugar is estimated at 89 lakh metric tons this year amy