नागपूर : येथील वेगवेगळ्या भागात संपर्क कार्यालय अथवा ‘पिक अप पाॅईंट’च्या नावाने व्यवसाय करणाऱ्या चार खासगी वाहन प्रशिक्षण केंद्रांवर (ड्रायव्हिंग स्कूल) नागपूर शहर प्रादेशिक परिवहन कार्यालयाने (आरटीओ) मंगळवारी कारवाई केली.
मोटार वाहन कायद्यानुसार ‘ड्रायव्हिंग स्कूल’ चालकांना आरटीओकडून मंजूर केलेल्या पत्त्यावरच व्यवसाय करता येतो. परंतु, शहरातील काही ड्रायव्हिंग स्कूल संपर्क कार्यालय आणि ‘पिक अप पाॅईंट’च्या नावावर इतरही ठिकाणी व्यवसाय करत असल्याच्या तक्रारी आरटीओ कार्यालयाला आल्या होत्या. त्यावरून मंगळवारी आरटीओच्या पथकांकडून डिफेंस, वाडी, हिंगणा रोडसह इतरही भागात तपासणी मोहीम राबवली गेली.
हेही वाचा – आमदार रोहित पवार… रोहित पाटील.. आणि नागपूरचे झणझणीत तर्री चणा पोहे; काय आहे वाचा…
दीक्षांत ड्रायव्हिंग स्कूल, एम. वझलवार ड्रायव्हिंग स्कूल, आदर्श ड्रायव्हिंग स्कूल, देसाई ड्रायव्हिंग स्कूल हे नियम मोडताना आढळले. त्यामुळे या सगळ्याच ड्रायव्हिंग स्कूलच्या विरोधात आरटीओकडून तेथील स्थानिक पोलिसांकडे संबंधित ड्रायव्हिंग स्कूलवर कारवाई करण्याची तक्रार दिली गेली. ही कारवाई आनंद मोड, यश वाघमारे, कुणाल कुथे, व्यंकेटश सिंदम यांनी केली.
