नागपूर महापालिका निवडणुकीचे सर्व अधिकार अनिल देशमुखांकडे

 नागपूर शहरात गेल्या १५ वर्षापासून भाजपाची सत्ता असून त्यांनी गवागवा केलेल्या अनेक योजना या सपशेल अपयशी ठरल्या आहेत. यात प्रामुख्याने ओबीसीडब्ल्यूच्या माध्यमातून शहरात चोवीस तास पाणी पुरवठा करण्यात येणार होते. परंतु शहरातील आजही अनेक असे भाग आहेत की जेथे टॅकरने पाणी पुरवठा करावा लागत आहे. चोवीस तास पाणी मिळावे म्हणून कोट्यवधी रुपयांचा खर्च करण्यात आलास परंतु नागरिकांना २ ते ३ तासाच पाणी आहेत. तर काही भागात कमी दाबाने पाणी पुरवठा केला जात आहे. दुसरीकडे पाणी पट्टीमध्ये प्रचंड वाढ करण्यात आली असल्याचे अनिल देशमुख यावेळी म्हणाले.

शहरातील कचरा उचलण्याचे काम एका खाजगी कंपनीला देण्यात आले आहे. परंतु अनेक भागात कचऱ्याचे साम्राज्य दिसून येत आहे. भांडेवाडी येथील डंम्पिंग यार्डचा प्रश्न अद्यापही निकाली लागला नाही. मालमत्ता कर  मध्ये मोठया प्रमाणात वाढ करण्यात आली आहे. दुसरीकडे शहरातील अनेक रस्त्याच्या अर्धवट कामामुळे नागिरक त्रस्त आहेत. पावसाळयात सीताबर्डीसारखे महत्वाच्या ठिकणी पूर येतो. यासह अनेक भागात पावसाळी पाण्याच्या निचारा करणारी यंत्रणा नसल्याने रस्त्यावरुन पाणी वाहते. यामुळे सामान्य नागरिक हैराण झाले आहेत. हे प्रश्न घेवून सर्व पदाधिकाऱ्यांनी घराघरापर्यंत पोहचणे आवश्यक आहे. त्यासाठी सुध्दा एक कालबध्द कार्यक्रम राबविण्याची सुचनाही अनिल देशमुख यांनी यावेळी केली.

किशोर गजभिये प्रदेश उपाध्यक्षपदी

माजी सनदी अधिकारी किशोर गजभिये यांची शहर उपाध्यक्षपदी निवड करण्यात आली. त्यांनी काही दिवसापूर्वी राष्ट्रवादी काँग्रेस पार्टी शरदचंद्र पवार पक्षात प्रवेश केला होता. त्यांचा अनुभव लक्षात घेतला पक्ष संघटनेत त्यांना महत्वाची जवाबदारी देण्याचा निर्णय झाला होता.