scorecardresearch

Premium

चंद्रपूर जिल्हा तथा शहर राष्ट्रवादी काँग्रेस शरद पवार यांच्यासोबत, संयुक्त पत्रपरिषदेत निर्णय जाहीर

जिल्ह्यातील सर्व पदाधिकाऱ्यांचे पवार साहेबांना समर्थन असल्याचे संयुक्त पत्रपरिषद घेऊन जाहीर केले.

Chandrapur district NCP
चंद्रपूर जिल्हा तथा शहर राष्ट्रवादी काँग्रेस शरद पवार यांच्यासोबत, संयुक्त पत्रपरिषदेत निर्णय जाहीर (छायाचित्र – लोकसत्ता टीम/ग्राफिक्स)

चंद्रपूर : राष्ट्रवादी काँग्रेस पक्षातील फुटीनंतर सोमवार व मंगळवार असे दोन दिवस दोन्ही गटांकडून जिल्ह्यातील पदाधिकाऱ्यांना दिवसभर फोन करून सोबत येण्याचे निमंत्रण देण्यात आले. शेवटी चंद्रपूर जिल्हा राष्ट्रवादी काँग्रेस व शहर राष्ट्रवादी काँग्रेसचे अध्यक्ष अनुक्रमे राजेंद्र वैद्य व राजीव कक्कड यांनी राष्ट्रवादी काँग्रेसचे संस्थापक अध्यक्ष शरदचंद्र पवार यांच्या सोबत राहण्याचा निर्णय घेतला. जिल्ह्यातील सर्व पदाधिकाऱ्यांचे पवार साहेबांना समर्थन असल्याचे संयुक्त पत्रपरिषद घेऊन जाहीर केले.

गेल्या दोन दिवसांपासून राष्ट्रवादी काँग्रेस पक्षातील जिल्ह्यातील पदाधिकारी संभ्रमावस्थेत होते. सोमवार व मंगळवार असे दोन दिवस मुंबईपासून तर पुणे, गोंदिया व गडचिरोली या जिल्ह्यातून जिल्हाध्यक्ष राजेंद्र वैद्य तथा शहर जिल्हाध्यक्ष राजीव कक्कड व अन्य पदाधिकाऱ्यांना सातत्याने फोन येत होते. राष्ट्रवादी काँग्रेसचे संस्थापक अध्यक्ष शरदचंद्र पवार, कार्याध्यक्ष सुप्रिया सुळे, प्रदेशाध्यक्ष जयंत पाटील या तसेच उपमुख्यमंत्री अजित पवार, कार्याध्यक्ष प्रफुल्ल पटेल, मंत्रीपदाची शपथ घेतलेले धर्मरावबाबा आत्राम, सुनील तटकरे यांनी स्थानिक पदाधिकाऱ्यांना सोबत या, विदर्भात संधी देऊ, असे आश्वासन दिले.

Ajit Pawar, NCP, Kolhapur district
कोल्हापूर जिल्ह्यात विस्तार करण्यावर अजित पवारांचा भर
Ashok Chavan nominated for Rajya Sabha
नांदेड जिल्ह्यातील दोघांना खासदारकी ! ‘अपेक्षित’ अशोकराव, ‘अनपेक्षित’ डॉ. अजित गोपछेडे, पंकजा मुंडे यांच्या नावासमोर पुन्हा फुली
Jayant Patil criticism of the rulers saying that Maharashtra has become Bihar because of Yashwantrao Chavan thinking
यशवंतरावांच्या विचाराच्या महाराष्ट्राचा बिहार झालाय; राज्यकर्त्यांवर जयंत पाटील यांचे टीकास्त्र
Uddhav Thackeray on Narendra Modi
“पंतप्रधान मोदी रोज दोन-तीन किलो शिव्या खातात, मग आम्ही..”, भाजपा नेत्यांच्या टीकेला उद्धव ठाकरेंचे प्रत्युत्तर

हेही वाचा – सावधान! ४० दिवसांत दुप्पट पैशांचे आमिष; बोरा बॅण्ड ऑनलाइन ट्रेडिंग ॲपमध्ये गुंतवणुकीचे प्रलोभन, काय आहे प्रकरण?

दोन्ही गटांच्या नेत्यांकडून सातत्याने संपर्क होत होता. अशात स्थानिक पदाधिकाऱ्यांनी एक बैठक घेतली. या बैठकीत सर्वांनी राष्ट्रवादी काँग्रेसचे संस्थापक अध्यक्ष शरदचंद्र पवार यांच्यासोबत जाण्याचा निर्णय घेतला. त्यानुसार जिल्हाध्यक्ष राजेंद्र वैद्य, शहर जिल्हाध्यक्ष राजीव कक्कड, महिला जिल्हाध्यक्ष बेबी उईके, शहर युवक राष्ट्रवादीचे अध्यक्ष अभिनव देशपांडे, चंद्रपूर विधानसभा अध्यक्ष सुनील काळे, हिराचंद बोरकुटे यांनी संयुक्त पत्रपरिषद घेऊन सर्वजण शरद पवार यांंच्यासोबत असल्याचे जाहीर केले.

हेही वाचा – नागपूर: मराठा, कुणबी समाजातील ७५ विद्यार्थ्यांना परदेशी शिक्षणाची संधी

जिल्ह्यातील पंधरा तालुक्यांतील सर्व तालुकाध्यक्ष, शहर अध्यक्ष, विविध आघाड्यांचे जिल्हाध्यक्ष तथा अन्य सर्व पदाधिकारीदेखील शरद पवार यांच्यासोबत असल्याची माहिती जिल्हाध्यक्ष वैद्य यांनी पत्रपरिषदेत दिली.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Chandrapur district and city ncp along with sharad pawar announced the decision in a joint press conference rsj 74 ssb

First published on: 04-07-2023 at 17:07 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×