नागपूर : मोदी पुन्हा सत्तेत आले तर संविधान बदलले जाईल, असा आरोप विरोधी पक्षाच्या नेत्यांनी केला आहे तर विरोधक अफवा पसरवित असल्याचा दावा करीत पंतप्रधान नरेंद्र मोदी यांनी रामटेकच्या प्रचार सभेत विरोधकांचा समाचार घेतला. काँग्रेसचे राष्ट्रीय अध्यक्ष मल्लिकार्जून खरगे रविवारी आंबेडकर जयंती दिनी नागपुरात होते. त्यांनी येथील पवित्र दीक्षाभूमीला भेट दिली. पत्रकारांशी संवाद साधतांना त्यांनी कुठलेही राजकीय भाष्य केले नाही. पण संविधानाचे महत्व सांगताना ते वाचवण्यासाठी आमचा लढा सुरूच राहील हे स्पष्ट केले.

काँग्रेसचे उमेदवार विकास ठाकरे यांच्या प्रचारासाठी खरगे नागपूरला आले. त्यांची नागपुरातील गोळीबार चौकात जाहीर सभा आहे. तत्पूर्वी त्यांनी नागपूरच्या दीक्षाभूमीला भेट दिली. त्यावेळी त्यांनी माध्यमांशी संवाद साधला. खरगे म्हणाले “ दिल्लीत संसदेत सकाळीच डॉ. बाबासाहेब आंबेडकर यांच्या जयंतीनिमित्त आयोजित कार्यक्रमाला हजेरी लावून थेट नागपूरला आलोय. ही बाबासाहेबांची कर्मभूमी आहे आणि बाबासाहेबांनी देशाला संविधान दिला आहे त्याच वाटेवर सर्व लोक चालावे हीच आमची अपेक्षा आहे. बाबासाहेबांच्या संविधानाला वाचवण्यासाठी आम्हीं लढत आहोत आणि लढत राहू.”

eknath shinde sanjay raut (1)
“२०१९ मध्ये शिंदेच मुख्यमंत्री झाले असते, पण…”, राऊतांनी सांगितल्या आतल्या घडामोडी; फडणवीस-तटकरेंचा उल्लेख करत म्हणाले…
mallikarjun kharge on ram mandir
“मला भीती वाटत होती…”, काँग्रेस अध्यक्ष मल्लिकार्जुन खरगेंनी सांगितल राम मंदिर सोहळ्याला उपस्थित न राहण्याचं कारण
rahul gandhi
राहुल यांचे मोदींना चर्चेचे आव्हान
Complaint of NCP to Election Commission against Ravindra Dhangekars campaign
रवींद्र धंगेकरांच्या प्रचारात ‘घड्याळ’; राष्ट्रवादी काँग्रेसची निवडणूक आयोगाकडे तक्रार
Nana Patole, Sharad Pawar
काँग्रेसमध्ये प्रादेशिक पक्ष विलीन करण्याच्या पवारांच्या विधानावर नाना पटोलेंचं भाष्य; म्हणाले, “अनेक पक्षांचा…”
Emotional Post For Sharad Pawar
शरद पवारांची प्रकृती बिघडल्यानंतर राष्ट्रवादीच्या उमेदवाराची भावूक पोस्ट “साहेब आम्ही खिंड लढवतो, तुम्ही..”
Ganesh Naik, Thane, eknath shinde,
गणेश नाईक यांची ठाणे लोकसभेच्या उमेदवारीवरून प्रतिक्रिया, मुख्यमंत्र्यांना भेटलो, हस्तांदोलन झाले आणि…
No sign of Gandhis yet from Amethi
राहुल अन् प्रियंका गांधी दोघांनीही निवडणूक लढवावी ही कार्यकर्त्यांची इच्छा; पण घोषणा नाही, काँग्रेसचं चाललंय काय?

हेही वाचा…चंद्रपूर : महाप्रसादातून १२५ जणांना विषबाधा; एकाचा मृत्यू, सहा जण गंभीर

पत्रकारांनी खरगे यांना भाजपच्या जाहिरनाम्यावर प्रतिक्रिया मागितली असता ते म्हणाले दीक्षाभूमीला मी पवित्र स्थळ मानतो, त्यामुळे या विषयावर मी भाष्य करणार नाही. प्रचार सभेत जाहीरनामा आणि आमचा जाहीरनामा यासंदर्भात सविस्तर बोलेन, असे खरगे म्हणाले.