scorecardresearch

अवघ्या २४ तासांत उभारले नक्षलग्रस्त वांगेतुरी येथे पोलीस ठाणे; गडचिरोली पोलिसांची विक्रमी कामगिरी

अतिसंवेदनशील परिसर असल्याने येथे गडचिरोली पोलीस दलाचा मोठा फौजफाटा तैनात करण्यात आला होता.

set up of police station at wangeturi, naxal hit wangeturi village news, police station at wangeturi village
अवघ्या २४ तासांत उभारले नक्षलग्रस्त वांगेतुरी येथे पोलीस स्टेशन; गडचिरोली पोलिसांची विक्रमी कामगिरी (छायाचित्र – लोकसत्ता टीम)

गडचिरोली : नक्षलवाद्यांच्या कारवायांवर नियंत्रण ठेवण्यासाठी एटापल्ली तालुक्यातील हेडरी उपविभागातील अतिदुर्गम वांगेतुरी येथे केवळ २४ तासांत नव्या पोलीस ठाण्याची निर्मिती करण्यात आली. अतिसंवेदनशील परिसर असल्याने येथे गडचिरोली पोलीस दलाचा मोठा फौजफाटा तैनात करण्यात आला होता. यावेळी गडचिरोली परिक्षेत्राचे पोलीस उपमहानिरिक्षक संदीप पाटील, पोलीस अधीक्षक नीलोत्पल, केंद्रीय राखीव बल १९१ बटालियनचे कमान्डंट सत्यप्रकाश, अपर पोलीस अधीक्षक (अभियान) अनुज तारे, अपर पोलीस अधीक्षक (प्रशासन) कुमार चिंता, हेडरीचे उपविभागीय पोलीस अधिकारी बापुराव दडस व पोस्टे वांगेतुरीचे नवनियुक्त प्रभारी अधिकारी महेश विधाते उपस्थित होते.

पोलीस स्टेशनच्या उभारणीसाठी १ हजार ५०० मनुष्यबळ, १० जेसीबी, १० ट्रेलर, ४ पोकलेन, ४५ ट्रक काम करीत होते. पोलीस ठाण्यामध्ये पोलीस बलाच्या सुविधेसाठी वायफाय सुविधा, २० पोर्टा कॅबिन, जनरेटर शेड, पिण्याच्या पाण्यासाठी आरओ प्लांट, मोबाईल टॉवर, टॉयलेट सुविधा, पोस्ट जवानांच्या सुरक्षेसाठी मॅक वॉल इत्यादींची उभारणी करण्यात आली. तत्पूर्वी तोडगट्टा येथे वाद झाल्याने त्या परिसरात कायदा व सुव्यवस्था अबाधित राखण्यासाठी जिल्हाधिकारी यांनी वांगेतुरी, हेडरी, गट्टा जांबिया व संपूर्ण एटापल्ली तालुक्यात पुढच्या १५ दिवसांसाठी जमावबंदी लागू केली आहे.

cm Eknath Shinde in cleanliness campaign in mumbai
स्वच्छतेचा जागर! राज्यात ७२ हजारांपेक्षा जास्त ठिकाणी स्वच्छता मोहीम
thane bjp mla sanjay kelkar, thane cleanliness drive, cleanliness drive by mla sanjay kelkar, plastic free initiative
ठाणे : येऊर परिसरात भाजपने राबविले काच, प्लास्टिकमुक्त अभियान; ३० मोठ्या पिशव्या भरून कचरा, काच व प्लास्टिक जमा
cleaning campaign at mumbai beach, mumbai municipal corporation, bmc cleaning campaign at sea area
मुंबईतील समुद्रकिनाऱ्यांवर कचऱ्याचे ढीग; महानगरपालिका व स्वयंसेवी संस्थांकडून स्वच्छता मोहीम
apmc market committee proposal navi mumbai municipal corporation
‘एपीएमसी’मधील कचरा विल्हेवाटीत आता जागेचा तिढा; पालिकेचे सिडकोकडे बोट

हेही वाचा : महाराष्ट्रातील वलयांकित वाघ नेमके गेले कुठे?; मृत्यू की शिकार हे गुलदस्त्सात; वनखात्याकडे नोंदच नसल्याने संभ्रम

हेही वाचा : नागपूरच्या खेळाडूंनी फिलिपिन्समध्ये जिंकली अकरा पदके

यावेळी पोलीस उपमहानिरीक्षक संदीप पाटील यांनी उपस्थितांना संबोधितांना सांगितले की, गडचिरोली पोलीस दल नेहमीच गडचिरोलीच्या विकासासाठी प्रयत्नशिल राहीला आहे. त्याचाच एक परिपाक म्हणून नवीन पोलीस स्टेशनची स्थापना करण्यात आलेली आहे. गडचिरोली पोलीस दल या माध्यमातून गडचिरोलीच्या जनतेच्या मदतीसाठी सदैव तत्पर असेल, असा आशावाद व्यक्त केला. ग्रामस्थांनी माओवाद्यांच्या खोट्या कथनाने प्रभावित होऊन त्यांच्या भरकटलेल्या क्रांतीला बळी पडू नये. नवीन पोलीस स्टेशनची स्थापना या भागाच्या सर्वांगीणमध्ये महत्वाची भूमीका बजावेल, असे प्रतिपादन पोलीस अधीक्षक नीलोत्पल यांनी व्यक्त केले.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Gadchiroli police set up police station at naxal hit wangeturi village within 24 hours ssp 89 css

First published on: 21-11-2023 at 09:24 IST

संबंधित बातम्या

मराठी कथा ×