नागपूर: सोन्याचे वाढते दर सर्वसामान्य नागरिकांची चिंता वाढवत होते. बघता- बघता हे दर १ लाखाहून अधिक प्रति दहा ग्रामपर्यंत विक्रमी उंचिवर पोहचले होते. परंतु आता हळूृ- हळू हे दर कमी होत आहे. शुक्रवारी (१ जुलै २०२५) रोजी सोन्याचे दर मागील दीड महिन्यातील निच्चांकी स्तरावर खाली आले आहे. त्यामुळे सोने- चांदीचे दागिने खरेदीचा बेत असलेल्या ग्राहकांना मोठा दिलासा मिळाला आहे. दरम्यान शुक्रवारी सोन्याचे दर काय होते? त्याबाबत आपण जाणून घेऊ या.
नागपुरातील सराफा बाजारात ३० जुलै २०२५ रोजी पावसाळ्याच्या दिवसांत सोन्याचे दर प्रति १० ग्राम २४ कॅरेटसाठी ९९ हजार २०० रुपये, २२ कॅरेटसाठी ९२ हजार ३०० रुपये, २२ कॅरेटसाठी ७७ हजार ४०० रुपये, १४ कॅरेटसाठी ६४ हजार ५०० रुपये होते. हे दर १ ऑगस्ट २०२५ रोजी २४ कॅरेटसाठी प्रति दहा ग्राम ९८ हजार १०० रुपये, २२ कॅरेटसाठी ९१ हजार २०० रुपये, २२ कॅरेटसाठी ७६ हजार ५०० रुपये, १४ कॅरेटसाठी ६३ हजार ८०० रुपये नोंदवले गेले. त्यामुळे सोन्याच्या दरात मोठी घसरण झालेली दिसत आहे.
दरम्यान १८ जुन २०२५ रोजी सोन्याचे दर नागपुरात प्रति १० ग्राम २४ कॅरेटसाठी ९७ हजार ९०० रुपये, २२ कॅरेटसाठी ९१ हजार रुपये, २२ कॅरेटसाठी ७६ हजार ४०० रुपये, १४ कॅरेटसाठी ६३ हजार ६०० रुपये नोंदवले गेले होते. त्यानंतर मात्र सातत्याने सोन्याचे दर २४ कॅरेटसाठी प्रति दहा ग्राम ८५ हजार ५०० रुपये प्रति दहा ग्राम वा त्याहून जास्तच नोदवले गेले. शुक्रवारी हे दर ९८ हजार १०० रुपयापर्यंत खाली आल्याने हे दर मागील दीड महिन्यातील निच्चांकीवर आले आहे. दरम्यान येत्या काळात सोन्याचे दर वाढण्याचे संकेत सराफा व्यवसायिक देत आहे. त्यामुळे आता सोने- चांदीच्या दागिन्यात गुंतवणुकीची चांगली वेळ असल्याचा सराफा व्यवसायिकांचा दावा आहे.
चांदीच्या दरातही मोठी घसरण..
नागपुरातील सराफा बाजारात मेकिंग व जीएसटी शुल्क वगळता चांदीचे दर ३० जुलै २०२५ रोजी प्रति किलो १ लाख १४ हजार ५०० रुपये होते. हे दर १ ऑगस्ट २०२५ रोजी प्रति किलो १ लाख १० हजार ७०० रुपयापर्यंत खाली आले आहे. त्यामुळे ३० जुलैच्या तुलनेत १ ऑगस्टला चांदीचे दर प्रति किलो तब्बल ३ हजार ८०० रुपयांनी घसरले आहे.
