अकोला : विदेशी पक्ष्यांची संख्या यंदा घटली, ‘कलहंस’ युगूलाचे दर्शन

हेही वाचा : नितीन गडकरी, मोहन भागवत यांना ट्रान्सपोर्ट मालक साकडे घालणार !

दरवर्षी ‘कांड्या करकोच्या’च्या बरोबर ‘पट्टकदम्ब’ हे पक्षी गेल्या तीन चार वर्षांपासून आखातवाडा तलाव परिसरात थव्यात येतात. त्यांच्या थव्यात एखादा भरकटलेला ‘कलहंस’ पक्षीमित्रांच्या नजरेत येतो. यावर्षी ‘कांडे करकोचे’, ‘पट्टकदंब’ हे पक्षी तलावावर आलेली नाही. ज्येष्ठपक्षी मित्र दीपक जोशी, श्रीकांत वांगे पक्षीदर्शनासाठी गेले असता त्यांना ‘कलहंस’ पक्षाचे युगुल जलाशयात विहार करतांना आढळले. त्यांनी लगेच युगुलाला आपल्या कॅमेरामध्ये कैद केले.

हेही वाचा : संमेलनाला दोन कोटी, तरी पैशांसाठी पदर! शासकीय निधी अद्याप महामंडळाच्याच ताब्यात

‘हंस’ हा शब्द वैदिक काळापासून प्रचलित आहे. महाहंस हे पक्षी काश्मिर, कैलाश, मानसरोवर आदी अतिथंड प्रदेशात आढळतात. पट्ट कदंब वर्गातील बदके हिमालयाच्या पायथ्याशी तसेच गंगेच्या काठावर मोठ्या संख्येने आढळतात, अशी माहिती देऊन कलहंस निरीक्षण अकोलेकरांनी करावे, असे आवाहन ज्येष्ठ पक्षीमित्र दीपक जोशी यांनी केले.