नागपूर: ७ वर्षीय चिमुकलीवर जंगलात नेऊन अत्याचार

घटनेच्या दिवशी तो दुचाकीने भटकत भटकत गुलशननगरातील आठवडी बाजारात गेला. पसंत केलेल्या कपड्याचे पैसे देतो अशी बतावणी करून चिमुकलीचे अपहरण केले. दुचाकीवर बसवून तिला जवळपासच्या जंगलात घेऊन गेला. अत्याचार केल्यानंतर तो अजनी परिसरात आला. त्याने दारू पिण्यासाठी एका मित्राला बोलाविले. दोघांनी दारू ढोसली. दरम्यान त्याच्या दुचाकीचे पेट्रोल संपले. तो दुचाकी ढकलत असताना चिमुकली रडत होती. दरम्यान पोलीस कर्मचारी चंदू ठाकरे हे घरी जात असताना सक्करदरा मार्गावर त्यांना हे दृष्य दिसले. तत्पूर्वी एका चिमुकलीचे अपहरण झाल्याचा संदेश वायलेसवर आला होता. ठाकूर यांनी सतर्कता दाखवित त्याची विचारपूस केली. संशय येताच पोलिसांना फोन केला. सक्करदरा पोलिसांनी ताब्यात घेतल्यानंतर अपहरण उघडकीस आले.

हेही वाचा : अकोल्यात काँग्रेसचे ठरेना; उमेदवाराची प्रतीक्षा

असे केले अपहरण

अपहृत मुलगी ७ वर्षाची असून आई आणि १२ वर्षाच्या भावासह यशोधरानगर पोलीस ठाण्याअंतर्गत राहते. आई आठवडी बाजारात कपड्याचे दुकान लावते. कपडे विक्री करून मिळालेल्या पैशात ती मुलांचे पालन पोषन करते. बुधवार २७ मार्च रोजी नेहमी प्रमाणे अपहृत मुलीच्या आईने गुलशननगरातील आठवडी बाजारात दुकान लावले. दुकानात अपहृत मुलगी आणि तिचा भाऊसुध्दा होता.

हेही वाचा : रश्मी बर्वे यांचे जात प्रमाणपत्र रद्द; निर्णयाविरोधात तातडीने सुनावणीस न्यायालयाचा नकार

काही दूर अंतरावर तिच्या मामाचेही दुकान होते. सायंकाळी ४.३० वाजताच्या सुमारास आरोपी त्यांच्या दुकानात गेला. त्याने कपडे पसंत केले. पैसे देतो म्हणून चिमुकलीला स्व:तच्या दुचाकीवर बसवून घेऊन जात होता. दरम्यान मामाने विचारपूस केली असता पैसे घ्यायला जात असल्याचे तिने सांगितले. काही दूर अंतरावर जाताच आरोपीने चिमुकलीचे अपहरण केले.