मंत्रीपदाची शपथ घेतल्यावर गडकरी नागपुरात, म्हणाले ”  प्रेमाची परतफेड …”

सात वर्ल्ड रेकॉर्ड आतापर्यंत माझ्या विभागाने केले आहे. आणखी पुढे काम करण्याचा प्रयत्न करत राहणार आहे. जनतेचे प्रेम आणि विश्वास राजकीय नेता म्हणून हे पुंजी असते. मी भाग्यवान आहे की तिसऱ्यांदा नागपूरच्या जनतेने मला निवडून दिले. जात पंथाच्या आधारे मी कधी राजकारण केले नाही. सर्वांचा साथ सर्वांचा विकास या आधारावर मी राजकारण केले. नागपूरच्या जनतेचे प्रेम कधीही विसरू शकणार नाही. त्यांनी जो प्रेमाने विश्वास दाखवला तो पुढल्या काळात यापेक्षा अधिक काम करण्याचा माझा प्रयत्न राहणार असल्याचे गडकरी म्हणाले.

हेही वाचा >>>निवडून येताच प्रतिभा धानोरकरांनी दिला राजीनामा, आता नवीन जबाबदारी

धामना येथील घटना दुर्भाग्यपूर्ण घटना आहे.  त्या घटनेमध्ये सहा जणांचा मृत्यू झाला. या घटनेमुळे नक्कीच दुःख झाले आहे. त्यामुळे मी विनंती केली होती या घटनेमुळे कुठलेही  स्वागत समारंभ, जल्लोश किंवा मिरवणूक काढू नये. मी मृतकांच्या आत्म्यांना शांती मिळो अशी ईश्वरचरणी प्रार्थना करतो.

आवाहन झुगारून कार्यकर्ते विमानतळावर

धामना येथील घटनेमुळे स्वागत समारंभ व मिरवणूक रद्द करावी, असे आवाहन केंद्रीय मंत्री नितीन गडकरी यांनी केले होते.मात्र ते झुगारून  विमानतळावर शेकडो कार्यकर्ते स्वागतासाठी आले होते. यावेळी भारतीय जनता पक्षाच्या कार्यकर्त्यानी घोषणा देत गडकरी यांचे स्वागत केले.