नितीन गडकरी म्हणाले…बांबूपासून फर्निचरच नव्हे तर अंतर्वस्रे अन् बरेच काही….

भा. ज. प. महानगरतर्फे हा कार्यक्रम आयोजित करण्यात आला होता. कार्यक्रमात नितीन गडकरी म्हणाले, बांबू हे शेतकऱ्यांसाठी खूप फायद्याचे असून त्यांना दोन पैसे मिळू शकतात. बांबूपासून मी विविध प्रयोगांवर काम करत आहे. बांबूपासून अंतर्वस्रे तयार करण्यावरही काम सुरू आहे. बांबू हे चांगले फायबर असून त्याने शरीराला घामही येत नाही. ती मुलायम आहे. बांबूची अंतर्वस्रांचे ब्रांडिंग झाल्यास काॅटनच्या कपड्यांची विक्री कमी होईल, असे गडकरी म्हणाले.

केंद्र सरकारच्या अखत्यारित असलेल्या एन. टी. पी. सी. कंपनीच्या वीज निर्मिती प्रकल्पातही बांबूचे ८ एमएमचे तुकडे पांढरा कोळसा म्हणून वापरणे सुरू झाले आहे. हे तुकडे एन. टी. पी. सी.कडून ७ रुपये किलोच्या दराने घेतले जात आहे. त्यामुळे येत्या काळात शेतकऱ्यांनी त्यांच्या धुरावर बांबू लावल्यास ते त्यांना खूप लाभदायक लाभदायक ठरणार आहे.

सध्या बांबूपासून फर्निचर, पडदे, शोभेच्या वस्तू, टेन्ट हाऊस, घरसह इतरही अनेक वस्तू तयार केल्या जात आहे. येत्या काळात आणखी नवनवीन वस्तू बघायला मिळणे शक्य असल्याचेही गडकरी यांनी सांगितले. सध्या मोठ्या प्रमाणावर देशात विनावापर जागा पडून आहेत. येथे बांबूची लागवत करणे फायद्याचे असल्याचेही त्यांनी सागितले.

देशी गायीचे दूध २ लिटरवरून २० लिटर करण्याचे सूत्र…

देशात बेटी बचाव अभियानाच्या धर्तीवर गायीबाबतही धोरण हवे. आपल्याकडे गोरक्षण मध्ये देशी गाई २ लिटर दूध देणारी आहे. १९५२ मध्ये ब्राझीलमध्ये गिर जातीची गाय गेली. आता तेथे ही गाय ६० लिटर दूध देते. या गायीशी संबंधित प्रकल्पावर आता मी काम करत आहे. त्यानुसार ब्राझीलहून या गिर गाईपासून तयार वळूचे सिमेन्स महाराष्ट्रात आणले. त्यातून टेस्टट्यूब गोरीही जन्माला आली. सध्या राज्यात नागपूरच्या व्हेटरनरी काॅलेज, बारामतीतील शरद पवार यांच्या संस्थेत तर चितळेंच्या सांगलीत प्रत्येकी एक असे तीन गायीशी संबंधित प्रकल्पावर काम सुरू आहे. त्याचे उद्घाटन मी केले असून येथे टेस्टट्यूब गोरी तयार करत आहे. त्यामुळे देशी गायी येत्या काळात २ लिटर एवजी २० लिटर दूध देणार असल्याचेही गडकरी म्हणाले