नागपूर : आकाशी झेप घे रे…विमान प्रवासी संख्या २.२८ लाखांनी वाढली; पुणे, बंगळुरूकरिता विशेष विमाने

अलीकडे नागपूर शहरात राजकीय घडामोडी वाढल्या आहेत. नागपूर आणि विदर्भात पर्यटनासाठी येणाऱ्यांची संख्याही वाढते आहे. शिक्षण आणि आरोग्य सुविधांसाठी देखील बाहेरून नागपुरात येणाऱ्यांचे प्रमाण वाढले आहे. शिवाय मध्यमवर्गीय लोकांचा कलही विमान प्रवासाकडे वाढू लागला आहे. त्यामुळे डॉ. बाबासाहेब आंबेडकर आंतरराष्ट्रीय विमानतळावरून २०२३-२४ या आर्थिक वर्षांत २७.९४ लाख लोकांनी विमान प्रवास केला. वर्षभरात २२ हजार विमानांनी उड्डाण घेतले. यामध्ये नागपुरातून परदेशात गेलेल्यांची संख्या १.११ लाख तर घरगुती प्रवाशांची संख्या २६.८३ लाख आहे.

आणखी वाचा

पिंपरीत डेंग्यूच्या रुग्णसंख्येत वाढ; १७,५०० घरांमध्ये सापडल्या अळ्या

Bigg Boss Marathi 5: सर्व एलिमिनेटेड सदस्यांची घरात…

Shivneri : विमानातील हवाई सुंदरी प्रमाणे आता शिवनेरी बसमध्ये ‘शिवनेरी सुंदरी’, भरत गोगावलेंची घोषणा

आमचे पैसे परत द्या! वातानुकूलित उपनगरी रेल्वेगाड्यांतील पासधारक प्रवाशांची मागणी

डेटाखोरीचे जग…

मुंबई : लालबागमध्ये विसर्जन मिरवणुकीदरम्यान दागिने, मोबाइलची चोरी; सात लाखांचे दागिने, कॅमेरा चोरीला

धोका वाढला! पुण्यात झिकाच्या ५ रुग्णांचा मृत्यू; एकूण रुग्णसंख्या शंभरवर पोहोचली

छोट्या व्यवसायांवर केंद्रित ‘व्हॉट्सॲप’ची विशेष मोहीम

हेही वाचा…लोणारच्या दैत्यसुदन मंदिरात अद्भूत ‘किरणोत्सव’! स्थापत्यशास्त्र आणि खगोलशास्त्राचा अनोखा मिलाफ

२०२२-२४ या आर्थिक वर्षांत नागपुरातून २५.६६ लाख प्रवाशांचे आवागमन झाले होते. नागपुरातून दररोज सरासरी सात ते आठ हजार लोक विमान प्रवास करतात. सध्या नागपुरातून दिल्ली, मुंबई, पुणे, इंदूर, हैदराबाद, बंगळुरू, कोलकाता, अहमदाबाद, चेन्नई, लखनौ, नाशिक, बेळगाव, अजमेरसाठी विमाने आहेत. याशिवाय शारजहा आणि दोहा ही आंतरराष्ट्रीय विमानसेवाही आहे.

हेही वाचा…काळ आला होता, पण वेळ आली नव्हती! ‘चारधाम’साठी निघालेल्या भाविकांच्या ट्रॅव्हल्सने पेट घेतला अन्…

पुणे, बंगळुरूकरिता विमानांच्या संख्येत वाढ

स्टार एअर एअरलाईन्स नागपूरहून पुणे आणि बंगळुरूकरिता नवीन विमाने सुरू करीत आहे. ही सेवा २८ मे ते ११ जूनपर्यंत राहणार आहे. आठवड्यातून दोन दिवस (मंगळवार आणि रविवारी) ही सेवा सुरू असेल. यापूर्वी स्टार एअरने नागपूरहून बेळगाव आणि किशनगड साठी उड्डाणे सुरू केली आहेत. आता नागपूर ते पुणे आणि बंगळुरू मार्गावर नवीन उड्डाणे सुरू करत आहे. त्यामुळे, प्रवाशांना उन्हाळ्यात दोन अतिरिक्त उड्डाणाची भेट मिळत आहे. फ्लाइट क्रमांक एस ५-२४५ बेंगळुरूहून २८ मे रोजी सकाळी ७.४५ वाजता निघेल आणि नागपूरला सकाळी ९. ३० वाजता पोहोचेल. त्याचप्रमाणे फ्लाइट क्रमांक एस ५-२४६ नागपूरहून दुपारी २.५५ वाजता उड्डाण करेल आणि ४.४० वाजता बेंगळुरूला पोहोचेल. फ्लाइट क्रमांक एस ५-२५३ नागपूरहून सकाळी १० वाजता उड्डाण करेल आणि ११.३० वाजता पुण्यात पोहोचेल. तर फ्लाइट क्रमांक एस ५-२५४ पुण्याहून दुपारी १२ वाजता निघेल आणि नागपूरला दुपारी १.२० वाजता पोहोचेल.