ट्रकचालकांच्या आंदोलनामुळे नागपूरमध्ये वाहनांच्या दोन कि.मी. रांगा, प्रवाशांना फटका

अमरावती मार्गावर ट्रकचालकांनी सुरू केलेल्या आंदोलनामुळे नागपूरकडे येणाऱ्या तसेच नागपूरहून अमरावतीकडे जाणारी वाहने अडकून पडली आहे.

Written by लोकसत्ता टीम

नागपूर

January 1, 2024 16:33 IST

ट्रकचालकांच्या आंदोलनामुळे नागपूरमध्ये वाहनांच्या दोन कि.मी. रांगा, प्रवाशांना फटका (छायाचित्र - लोकसत्ता टीम)

नागपूर: अमरावती मार्गावर ट्रकचालकांनी सुरू केलेल्या आंदोलनामुळे नागपूरकडे येणाऱ्या तसेच नागपूरहून अमरावतीकडे जाणारी वाहने अडकून पडली असून दोन कि.मी.च्या रांगा लागल्या आहेत.

‘हिट ॲण्ड रन’ च्या संदर्भात केंद्र सरकारने तयार केलेल्या कायद्याला विरोध म्हणून नवीन वर्षाच्या पहिल्याच दिवशी ट्रक चालकांनी नागपूरसह देशभरात रस्ता रोको आंदोलन सुरू केले आहे. नागपूरमध्ये अमरावतीकडे जाणाऱ्या महामार्गावर हे आंदोलन सुरू आहे. दोन्ही बाजूंनी दोन-दोन कि.मी. वाहनांच्या रांगा लागल्या आहेत. यात एस.टीचा समावेश आहे.

हेही वाचा – गजानन महाराजांच्या दर्शनाने नववर्षाची सुरुवात, हजारो भाविकांनी घेतले ‘श्रीं’चे दर्शन; संतनगरी शेगावात तीन दिवस…

हेही वाचा – वर्धा : एक ग्लास दारूचा नव्हे, एक ग्लास दुधाचा; चला व्यसनास बदनाम करू या… कोण म्हणतंय असं? वाचा…

प्रवाशांचे हाल होत आहे. भंडारा जिल्ह्याकडे जाणाऱ्या रस्त्यावर पारडी येथे आंदोलन सुरू असून तेथेही अशाच प्रकारची स्थिती आहे. अनेक प्रवाशांनी एस.टी.मधून उतरून इतर वाहनांचा पर्याय शोधने सुरू केले आहे. रस्ता रोकोमुळे पेट्रोलपंपाकडे दुचाकीस्वारांना किंवा अन्य वाहनांना जाता येत नसल्याने त्यांचीही अडचण झाली आहे.

First published on: 01-01-2024 at 16:33 IST