नाशिक : महाराष्ट्रातील इतिहासप्रेमी आणि शिवप्रेमींना साल्हेर किल्ल्याचा इतिहास तोंडपाठ आहे. छत्रपती शिवाजी महाराज यांचे नाव डोळ्यांसमोर आले की बागलाण तालुक्यातील साल्हेरची उंचीही आठवते. जागतिक वारसास्थळ म्हणून साल्हेरची दखल घेण्यात आल्यावर साल्हेरचे नाव आंतरराष्ट्रीय पातळीवर पोहचले. त्यामुळे साल्हेरच्या विकासासाठी राज्य शासनाकडूनही प्रयत्न करण्यात येऊ लागले आहेत.
नाशिक जिल्ह्यातील साल्हेर किल्ल्याचा जागतिक वारसा स्थळांचा यादीत समावेश करण्यात आला आहे. नाशिक जिल्ह्यात सर्वाधिक किल्ले बागलाण तालुक्यात आहेत. त्यापैकी साल्हेर आणि मुल्हेर हे किल्ले अधिक प्रसिध्द आहेत. साल्हेर किल्ला महाराष्ट्रातील कळसुबाई या शिखरानंतर दोन नंबरचे उंचीचे शिखर अर्थात किल्ला आहे. साल्हेर किल्ल्यावर एकदा तरी चढाई करावी, ही दुर्गप्रेमींची इच्छा असते. साल्हेरवर चढाई केल्यानंतर इतिहासप्रेमींचा उर भरुन येतो. साल्हेरच्या विकासाकडे आता लक्ष देण्यात येऊ लागले आहेत.
नाशिक जिल्ह्यातील साल्हेर किल्ल्याचा जागतिक वारसा स्थळांचा यादीत समावेश करण्यात आला आहे. नाशिक जिल्ह्यात सर्वाधिक किल्ले बागलाण तालुक्यात आहेत. त्यापैकी साल्हेर आणि मुल्हेर हे किल्ले अधिक प्रसिध्द आहेत. साल्हेर किल्ला महाराष्ट्रातील कळसुबाई या शिखरानंतर दोन नंबरचे उंचीचे शिखर अर्थात किल्ला आहे. साल्हेर किल्ल्यावर एकदा तरी चढाई करावी, ही दुर्गप्रेमींची इच्छा असते. साल्हेरवर चढाई केल्यानंतर इतिहासप्रेमींचा उर भरुन येतो. साल्हेरच्या विकासाकडे आता लक्ष देण्यात येऊ लागले आहेत.
पर्यटन स्थळांच्या ठिकाणी मूलभूत सुविधा पुरविण्यासाठी प्रादेशिक पर्यटन योजनेंतर्गत राज्यातील ७५ पर्यटनस्थळी पर्यटकांसाठी आधुनिक मूलभूत सोयीसुविधांयुक्त नमो पर्यटन माहिती व सुविधा केंद्र स्थापन करण्यास राज्य शासनाने गेल्या महिन्यात मान्यता दिली. या योजनेच्या पहिल्या टप्प्यात प्रतापगड, शिवनेरी, साल्हेर आणि रायगड या किल्ल्यांचा समावेश आहे. या सर्व ठिकाणी पर्यटन केंद्रासाठी प्रत्येकी पाच कोटी रुपयांचा निधी मंजूर करण्यात आला आहे. त्यानुसार या केंद्रांच्या विकासासाठी एक कोटी २५ लाख रुपयांचा निधी वितरीत करण्यात आला आहे. त्यासाठी पर्यटन संचालनालय कार्यान्वयीन यंत्रणा म्हणून काम करणार आहे.
पर्यटनाच्या माध्यमातून रोजगार निर्मिती, स्थानिक अर्थव्यवस्थेस बळकटी देणे, पर्यटन क्षेत्रात गुंतवणुकीला प्रोत्साहन देणे व राज्याला जागतिकस्तरावर एक नामांकित पर्यटन हब म्हणून नावारूपाला आणण्यासाठी प्रयत्न सुरू आहेत. त्याचाच एक भाग म्हणून या सुविधा केंद्रात पर्यटन स्थळ व प्रवासाची माहिती, टूर ऑपरेटर्सची जोडणी, सुरक्षा केंद्र, आपत्कालिन सेवा प्रथमोपचार, डिजिटल प्लॅटफार्मच्या माध्यमातून एआर- व्हीआर अनुभव कक्ष, बहुभाषिक साहाय व कृत्रिम बुद्धिमत्ता आधारित सेवा, दिव्यांग व वृद्धांकरीता विशेष सुविधा, महिला व शिशू कक्ष, उपहार गृह, अत्याधुनिक स्वच्छतागृहे, इव्ही चार्जिंग स्टेशन आदी सुविधांना प्राधान्य देण्यात येणार आहे. या सुविधा केंद्रामुळे पर्यटन वृद्धी होऊन स्थानिक पातळीवर रोजगारालाही चालना मिळण्यास मदत होणार आहे.
