सिडकोतील अपघातात दुचाकीस्वाराचा मृत्यू

नाशिक -सिडको परिसरातील त्रिमूर्ती चौकात बुधवारी दुचाकी आणि शालेय बस यांच्यात झालेल्या अपघातात १८ वर्षाच्या दुचाकीस्वाराचा मृत्यू झाला.सकाळी ११ वाजेच्या सुमारास मयूर गुंजाळ (१८, महाले फार्म, राणाप्रताप चौक ) हा दुचाकीने दिव्या ॲडलॅब्जकडून त्रिमूर्ती चौक रस्त्याकडे जात होता. यावेळी दुचाकी आणि खासगी शाळेची बस यांचा अपघात झाला. गंभीर जखमी मयूर यास परिसरातील सामाजिक कार्यकर्ते आणि स्थानिक रहिवाशांनी त्वरित खासगी रुग्णालयात दाखल केले. परंतु, त्याचा मृत्यू झाला.