पनवेल : गरब्यासाठी इमारती खाली गेले अन् ११ लाखांचे दागीने चोरले

कामोठे येथील सेक्टर ३५ मधील गिरीराज कॉ. ऑप. सोसायटी ही अतिसूरक्षित सोसायटी म्हणून ओळखली जाते. या सोसायटीमध्ये सूरक्षा रक्षकापासून ते सीसीटिव्ही यंत्रणा सक्षम असल्याने शहरातील रहिवाशांमध्ये अनेकदा या गृहनिर्माण सोसायटीचा दाखला दिला जातो. याच सोसायटीमध्ये १३ व्या मजल्यावर राहणा-या विलास मस्कर यांचा बांधकाम व्यवसाय आहे. विलास यांच्या पत्नीने दिलेल्या तक्रारीनूसार १६ ते २७ सप्टेंबर या दरम्यान घरातील दागीने ठेवलेल्या ठिकाणी पाहील्यावर ते सापडले नाहीत, म्हणून पोलीस ठाण्यात त्यांनी धाव घेतली. सूमारे २२२.३५ ग्रॅम वजनाचे ११ लाख ८१ हजार ८५९ रुपयांचे दागीने असल्याचे सांगितले जाते. या कुटूंबियांच्या हालचाली टिपून ही चोरी करण्यात आल्याचा पोलिसांचा संशय आहे. त्यामुळे सोसायटीतील अनेकांकडून याबाबतची माहिती पोलीस घेत आहेत. 

१६ ते २७ सप्टेंबर ही चोरी झाल्याचा संशय या कुटूंबियांनी व्यक्त केल्याने या ११ दिवसांत या इमारतीमध्ये येजा कऱणा-यांकडे पोलिसांनी लक्ष्य केंद्रीत केले आहे. या सोसायटीमध्ये नवरात्रोत्सव साजरा केला जात आहे तसेच सोसायटीची नवीन कार्यकारी मंडळाची निवडणूकीचा प्रचार काही दिवसांपूर्वी सुरू झाला आहे. या दोन्ही गोष्टींमुळे इमारतीमध्ये सदनिकाधारकांची व इतरांची वर्दळ वाढली होती. या वर्दळीमुळे सूरक्षित सोसायटीत चोर शिरला असण्याची शक्यता वर्तविली जात आहे.

११ लाख रुपयांचे सोने नेमके घरात कोणत्या ठिकाणी ठेवले, याची माहिती चोराला कशी मिळाली अशी अनेक प्रश्न या चोरी प्रकरणाचा शोध घेणा-या पोलिसांसमोर उभा आहे. कामोठे पोलीस ठाण्याचे वरिष्ठ पोलीस निरीक्षक विमल बिडवे यांच्या मार्गदर्शनाखाली आणि नवी मुंबई पोलीसांची गुन्हे शाखा, गुन्हे प्रकटीकरण विभाग यांच्या मार्फतीने या चोरी प्रकरणी शोध सुरू आहे. 

चोरी प्रकरणी सखोल तपास सुरू आहे. अद्याप कोणालाही या प्रकरणी ताब्यात घेण्यात आले नसले तरी तांत्रिक तपास सुरू आहे. सोसायटीची सूरक्षा यंत्रणा चांगली असली तरी चोरी झाल्याने पोलीस विविध पद्धतीने चोरीचा छडा लावण्यासाठी माहिती गोळा करत आहे. – विमल बिडवे, वरिष्ठ पोलीस निरीक्षक, कामोठे पोलीस ठाणे</strong>