पत्नीला काँग्रेसने उमेदवारी जाहीर केली. यानुसार पत्नीने उमेदवारी अर्जही दाखल केला. पण ऐनवेळी जात प्रमाणपत्र रद्द झाल्याने पत्नीचा उमेदवारी अर्ज बाद ठरला. पर्यायी उमेदवार म्हणून श्यामकुमार बर्वे यांनी उमेदवारी अर्ज दाखल केला होता. पक्षाचा ए व बी फार्मही जोडला होता. श्यामकुमार बर्वे यांचाही अर्ज बाद ठरविण्याचे प्रयत्न झाले. पण अर्ज पात्र ठरला.
अनपेक्षितपणे काँग्रेसची लोकसभेची उमेदवारी मिळालेले श्यामकुमार बर्वे यांनी सेनेचा बालेकिल्ला मानला जाणाऱ्या रामटेकवर काँग्रेसचा झेंडा फडकावला. एका गावचा उपसरपंचपद भोगलेले बर्वे थेट आता दिल्लीच्या संसदेत प्रवेश केला. काँग्रेस नेते सुनील केदार यांचा कार्यकर्ता अशी त्यांची मळ ओळक, कांद्री या त्यांच्या गावात उपसरपंच होते.
पत्नी रश्मी बर्वे या नागपूर जिल्हा परिषदेच्या अध्यक्षा होत्या. त्यांचे वडील खाण कामगार होते. यातूनच कोळसा कामगारांच्या प्रश्नांची जाण होती. त्यातून त्यांनी कामगारांच्या प्रश्नावर वेकोलि प्रशासनाविरुद्ध आंदोलन केले. तेथून त्यांच्या सामाजिक कार्याला सुरुवात झाली आणि पुढे त्यांचा ग्रामपंचायत निवडणुकीच्या माध्यमातून राजकारणात प्रवेश झाला. एक खाण कामगाराचा मुलगा खासदार झाला.
