19 September 2020

News Flash

पुणे : यंदा २५ तास ३९ मिनिटे चालली गणेश विसर्जन मिरवणूक

पोलिसांनी योग्य नियोजन केल्यामुळे मागील वर्षीपेक्षा यंदाची मिरवणूक दोन तास अगोदर संपल्याचे पुणे पोलिसांनी सांगितले आहे.

पुणे शहरातून गुरुवारी (दि.१२) सकाळी १०.१५ च्या सुमारास मानाचा पहिला कसबा गणपतीपासून सुरु झालेली गणेश विसर्जन मिरवणूक दुसऱ्या दिवशी शुक्रवारी (दि.१३) सकाळी १०.३० मिनिटांनी संपली. त्यामुळे यंदाच्या विसर्जन मिरवणुकीला एकूण २५ तास ३९ मिनिटांचा कालावधी लागला. पोलिसांनी योग्य नियोजन केल्यामुळे मागील वर्षीपेक्षा यंदाची मिरवणूक दोन तास अगोदर संपल्याचे पुणे पोलिसांनी सांगितले आहे.

यंदाच्या वर्षी शहरात ४ लाख ३३ हजार ९३० घरगुती आणि ३ हजार १९३ सार्वजनिक मंडळांनी गणेशाची प्रतिष्ठापणा केली होती. दहा दिवस आपल्या लाडक्या गणरायाची मनोभावे सेवा केल्यानंतर गुरुवारी सकाळी विसर्जन मिरवणुकीला सुरुवात झाली. बाप्पाला निरोप देण्यासाठी शहरातील मध्यवस्तीतील अनेक रस्ते गर्दीने फुलून गेले होते.

विसर्जन मार्गांवरील शहरातील मुख्य चार रस्त्यांवरुन म्हणजेच लक्ष्मी रोड (२९० मंडळे), टिळक रोड (१९६), कुमठेकर रोड (४६) आणि केळकर रोड (७०) अशी एकूण सुमारे ६०२ गणेश मंडळे शुक्रवारी सकाळी साडे दहा वाजेपर्यंत मार्गस्थ झाली. यामध्ये अनेक मंडळांनी सामाजिक, चालू घडामोडींवर देखाव्याचा माध्यमातून भाविकांचे लक्ष वेधून घेण्याचा प्रयत्न केला होता.

यंदा गतवर्षीच्या तुलनेत डीजेचे प्रमाण कमी असल्याचे पहायला मिळाले. या विसर्जन मिरवणुकीदरम्यान पोलिसांनी १९ मोबाईल चोरांना पकडले असून त्यांच्याकडून ८२ मोबाईल जप्त करण्यात आले आहेत, अशी माहिती पुणे पोलिसांकडून देण्यात आली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 13, 2019 10:04 pm

Web Title: ganesh immersion procession in pune ended two hours earlier this year aau 85
Next Stories
1 Viral Video: गणपती विसर्जनावेळी पोलिसांनी धरला गाणी, हलगीवर ठेका
2 ‘मला आमदार झाल्यासारखं वाटतंय’ गाण्यावर पुण्याच्या महापौर मुक्ता टिळक यांनी धरला ठेका
3 पुणे : अग्नीशमन कर्मचाऱ्यांनी वाचविले नदीत बुडणाऱ्या सहा जणांचे प्राण
Just Now!
X