अमेरिकन डॉलर स्वस्तात देण्याच्या आमिषाने शहराच्या मध्यभागातील एका व्यावसायिकाला गंडा घालण्यात आल्याचा प्रकार उघडकीस आला. अमेरिकन डॉलर ऐवजी कागदाचे तुकडे देऊन व्यावसायिकाची फसवणूक करण्यात आली. एका व्यावसायिकाने याबाबत फरासखाना पोलीस ठाण्यात तक्रार दिली आहे. तक्रारादाराचे बुधवार पेठ भागात दुकान आहे. पाच ते सहा दिवसांपूर्वी दोन जण त्यांच्या दुकानात खरेदीच्या बहाण्याने शिरले. त्या वेळी दोघांनी व्यावसायिकाला अमेरिकन डॉलर दाखविले. ‘आमच्याकडे २० डॉलरच्या ५०० नोटा आहेत. अमेरिकन डॉलर स्वस्तात देतो,’असे आमिष व्यावसायिकाला दाखविण्यात आले.
