लोकसभेच्या तोंडावर पुणेकरांना गिफ्ट; म्हाडाकडून १७०० घरांची सोडत

सामान्यांना स्वस्तात घरे मिळवून देण्यासाठी पुण्यात आता सरकारी किंवा म्हाडाच्या मालकीच्या जागा राहिल्या नाहीत. त्यामुळे पुणे महानगर प्रदेश विकास प्राधिकरणाच्या (पीएमआरडीए) हद्दीतील जिल्ह्यातील विविध भागांमध्ये रहिवाशी क्षेत्रासाठी जागा आरक्षित आहेत. त्यापैकी काही जागा मिळविण्याचा म्हाडाचा प्रयत्न सुरू आहे. त्याबाबत पत्रव्यवहारही सुरू आहे. तसेच कोल्हापूर जिल्ह्यातील सुमारे सव्वातीन एकर जागा लवकरच म्हाडाच्या ताब्यात येणार आहे. तसेच सातारा जिल्ह्यातील सातारा शहराजवळील दरी येथे सुमारे पाच एकर जागा मिळण्यासाठी चाचपणी सुरू आहे. सोलापूर येथे पोलिस वसाहतीमध्ये पोलिस कर्मचाऱ्यांची निवासस्थाने आहेत. निवासस्थाने पाडून नव्याने बांधून देण्याचा प्रस्ताव आहे. त्या ठिकाणी सुमारे आठ ते दहा एकर जागा म्हाडासाठी वापरता येणार आहे, असल्याचेही पाटील यांनी सांगितले.