21 kg ganja seized in Hadapsar area two persons including woman arrested | Loksatta

पुणे : हडपसर भागात २१ किलो गांजा जप्त; महिलेसह दोघे अटकेत

अटक कऱण्यात आलेली महिला आपल्या साथीदारासह मोटारीतून गांज विक्री करण्यासाठी आली होती. पोलिसांनी सापळा रचून गांजा जप्त केला आहे.

पुणे : हडपसर भागात २१ किलो गांजा जप्त; महिलेसह दोघे अटकेत
गांजा विक्री करणाऱ्या महिलेसह दोन साथीदारांना अटक (संग्रहित छायाचित्र)

पुण्यातील हडपसर भागात गांजा विक्री प्रकरणात अंमली पदार्थ विरोधी पथकाकडून एका महिलेसह दोघांना अटक करण्यात आली. या कारवाईत पोलिसांनी सव्वाचार लाख रुपयांचा २१ किलो गांजा, मोबाइल संच, मोटार असा दहा लाख ६४ हजार रुपयांचा मुद्देमाल जप्त केला.

हेही वाचा- चारित्र्याच्या संशयातून अभियंत्याकडून पत्नीचा खून; पुण्यातील हडपसर भागातील घटना

या प्रकरणी अक्षय भीमा गाडे (वय २५, रा. शिवाजीनगर, नालेगाव, अहमदनगर) याच्यासह एका महिलेला अटक करण्यात आली. हडपसर भागात महिला आणि साथीदार मोटारीतून गांजा विक्रीसाठी येणार असल्याची माहिती गस्त घालणाऱ्या अंमली पदार्थ विरोधी पथकाला मिळाली. त्यानंतर पोलिसांच्या पथकाने संशयित मोटार अडवली. मोटारीची तपासणी केली. तेव्हा मोटारीत ठेवण्यात आलेल्या पिशवीत गांजा सापडला. गाडे आणि महिलेकडून २१ किलो गांजा जप्त करण्यात आला आहे. वरिष्ठ पोलीस निरीक्षक सुनील थोपटे, उपनिरीक्षक एस. डी. नरके, दिगंबर चव्हाण, संतोष देशपांडे, संदीप शेळके, प्रशांत बोमादंडी आदींनी ही कारवाई केली.

मराठीतील सर्व पुणे ( Pune ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 05-12-2022 at 18:51 IST
Next Story
पुणे: सांगवीतील रोजगार मेळाव्यात ११०० जणांना जागेवर नियुक्तीपत्रे