“कर्नाटकमध्ये बहुमताने भाजपचा विजय होणार”- चंद्रशेखर बावनकुळे

चंद्रशेखर बावनकुळे म्हणाले, पिंपरी- चिंचवडमध्ये जिल्हा भाजपकडून बूथ आणि शक्ती प्रमुख केंद्र तसेच पदाधिकारी बैठक आयोजित केली होती. १ लाख घरी प्रवास करण्याची योजना तयार केली. प्रत्येक विधानसभेत साठ हजार घरी प्रवास करणार आहोत. २० मे पर्यंत हा प्रवास पूर्ण होणार आहे. प्रत्येक बूथवर २५ पक्ष प्रवेश होतील अशी योजना आखली आहे. पुढे ते म्हणाले, कर्नाटक निवडणुकीत भाजपचा विजयी नक्की होईल. विरोधक हतबल झालेली दिसतील. मोदींच्या नेतृत्वाखाली कर्नाटकमध्ये बहुमताने आमचे सरकार येईल. पुढे ते म्हणाले, पिंपरी- चिंचवडसह राज्यातील ७५ जिल्ह्याध्यक्षांची निवड प्रक्रिया सुरू झाली. आमचे पदाधिकारी त्यावर चर्चा करणार असून त्याचा अहवाल लवकरच सादर करणार आहोत.