सरन्यायाधीश धनंजय चंद्रचूड यांच्या पुणे दौऱ्याचा असाही फायदा

हेही वाचा : डॉक्टरने केला विश्वासघात! गुंतवणुकीच्या नावाखाली केली करोडो रुपयांची फसवणूक

हेही वाचा : पिंपरी : मोशीत पीएमपीएमलच्या धडकेत दुचाकीस्वार तरुणाचा जागीच मृत्यू

पुण्यातील अनेक भागात विशेषत: महापालिकेत नव्याने समाविष्ट झालेल्या गावांतील मोठ्या गृहनिर्माण सोसायट्या, अपार्टमेंट तसेच विविध भागात पाण्याची गंभीर समस्या आहे. याबाबत महापालिकेकडून ठोस उपाययोजना होत नसल्याने अखिल भारतीय ग्राहक पंचायतने मोठ्या हौसिंग सोसायटी, फेडरेशन यांच्यासह मुंबई उच्च न्यायालयात जनहित याचिका दाखल केली होती. उच्च न्यायालयाने विभागीय आयुक्तांच्या अध्यक्षतेखाली पुणे, पिंपरी-चिंचवड महानगरपालिका आयुक्त आणि विधी सल्लागार यांची समिती स्थापन करून पाणी पुरवठ्यासंबंधी तक्रारींची दखल घ्यावी, चर्चा करून प्रश्न सोडवावेत, असे आदेश दिले होते. त्यानुसार विभागीय आयुक्त राव यांनी गुरुवारी बैठक बोलावली होती. त्यामध्ये राव यांनी महापालिकेच्या अधिकाऱ्यांची झाडाझडती घेत स्वत: पाहिलेले पाण्याचे दुर्भिक्ष्य कथन केले. जानेवारीच्या पहिल्या आठवड्यात पुन्हा बैठक घेतली जाईल. तोपर्यंत महापालिका अधिकाऱ्यांनी उंड्री, वाघोली, सूस, आंबेगाव, नऱ्हे, बाणेर, पाषाण अशा पाण्याची समस्या असलेल्या भागात, गृहनिर्माण सोसायट्या, अपार्टमेंट यांना भेट देऊन पाण्याची स्थिती पाहावी आणि लेखी अहवाल सादर करावा. तसेच पुढील बैठकीत समस्यांचे निराकरण कसे करणार, याबाबतचे सादरीकरण करण्याचेही आदेश दिले.