अपघातातील वाहन परत देण्यासाठी मागितली दीड लाखांची लाच; सहायक फौजदार गजाआड, पिंपरीतील चिखली पोलीस ठाण्यात ‘एसीबी’ची कारवाई

पुणे : अपघातानंतर जप्त केलेले वाहने परत करण्यासाठी दीड लाख रुपयांची लाच मागणाऱ्या सहायक पोलीस फौजदाराला लाचलुचपत प्रतिबंधक विभागाने (एसीबी) पकडले. पिंपरी-चिंचवडमधील चिखली पोलीस ठाण्यात पहाटे एसीबीच्या पथकाने ही कारवाई केली. नरेंद्र लक्ष्मण राजे (वय ५४) असे लाचखोर सहायक फौजदाराचे नाव आहे. राजे पिंपरी चिंचवड शहरातील चिखली पोलीस ठाण्यात नियुक्तीस आहे. याबाबत एका तरुणाने लाचलुचपत प्रतिबंधक विभागाकडे तक्रार दिली होती. तरुणाच्या गाडीचा अपघात झाला होता. याप्रकरणी चिखली पोलीस ठाण्यात गुन्हा दाखल झाला होता. अपघातानंतर जप्त केलेले वाहन तरुणाला परत देण्यासाठी राजे याने दीड लाख रुपयांची मागणी केली होती. तडजोडीत तरुणाने एक लाख रुपये देण्याचे मान्य केले.