भोसरी भूखंड गैरव्यवहार प्रकरणात माजी मंत्री एकनाथ खडसे यांना तात्पुरता दिलासा, न्यायालयाने दिला ‘हा’ आदेश

पुणे : भोसरी येथील भूखंड गैरव्यवहार प्रकरणात गुन्हा दाखल करण्यात आलेले तत्कालीन मंत्री एकनाथ खडसे यांना न्यायालयाने अंतरिम जामीन मंजूर केला. त्यामुळे खडसे यांना तात्पुरता दिलासा मिळाला आहे. भोसरी भूखंड गैरव्यवहार प्रकरणात एकनाथ खडसे यांच्याविरुद्ध लाच लुचपत प्रतिबंधक विभागाने गुन्हा दाखल केला आहे. या प्रकरणात खडसे यांच्याविरुद्ध लातूर येथील लाचलुचपत प्रतिबंधक विभागाने आरोपपत्र दाखल केले आहे. या प्रकरणात अंतरिम जामीन मिळावा म्हणून खडसे यांनी विशेष न्यायाधीश पी. पी. जाधव यांच्या न्यायालयात अर्ज दाखल केला होता. विशेष न्यायाधीश जाधव यांनी खडसे यांचा अंतरिम जामीन मंजूर केला.

हेही वाचा : एमपीएससीतर्फे विविध विभागांमध्ये मोठी भरती, अर्ज प्रक्रिया १२ डिसेंबरपासून

आणखी वाचा

UP Madarsa Act: मदरसा शिक्षण मंडळ कायदा घटनात्मक; सर्वोच्च न्यायालयाचा योगी आदित्यनाथ सरकारला झटका, उच्च न्यायालयाचा निकाल फेटाळला

Madhurima Raje : सतेज पाटील ज्यांच्यामुळे ढसाढसा रडले…

रश्मी शुक्लांना हटवण्यास एवढा वेळ का लागला? नाना पटोले यांचा सवाल

पुणे : तडीपार गुंडाची कोयते उगारून दहशत, मंगळवार पेठेतील घटना

कुख्यात गँगस्टर लॉरेन्स बिश्नोईच्या भावाचा सुगावा मुंबई पोलिसांना लागला; अनमोल बिश्नोई कोण?

पुणे : गुंतवणुकीच्या आमिषाने ज्येष्ठ नागरिकाची दोन कोटींची फसवणूक, वरद प्राॅपर्टीजच्या संचालकांविरुद्ध गुन्हा

आरटीई, राज्य अभ्यासक्रम आराखड्यातील अध्यापन तासांमध्ये विसंगती… झाले काय, होणार काय?

‘पंतप्रधान मोदींचा हलक्या दर्जाचा प्रसिद्धीचा प्रयत्न’, काँग्रेस अध्यक्ष मल्लिकार्जुन खरगेंची टीका; ‘एक्स’वरील पोस्टवरून दोघांमध्ये उडाले खटके

या प्रकरणात जामीन मिळवण्यासाठी खडसे यांनी बुधवारी विशेष न्यायालयात अर्ज दाखल केला. खडसे यांच्या जामीन अर्जावर तीन जानेवारी २०२४ रोजी सुनावणी होणार आहे, अशी माहिती लाख लुचपत प्रतिबंधक विभागातील अधिकाऱ्यांनी दिली. खडसे हे मंत्री असताना त्यांनी अधिकाराचा गैरवापर करून भोसरी परिसरातील महाराष्ट्र औद्योगिक विकास महामंडळाच्या (एमआयडीसी) मालकीची ४० कोटी रुपयांची जमीन पत्नी आणि सुनेच्या नावे तीन कोटी ७५ लाख रुपयांमध्ये खरेदी केल्याचा आरोप आहे. खडसे यांनी जामीन मिळविण्यासाठी अर्ज केला होता. न्यायालयाने अंतरिम जामीन मंजूर केल्यामुळे तात्पुरता दिलासा मिळाला आहे.