पुणे : शाळकरी मुलीला धमकावून तिच्यावर बलात्कार करण्यात आल्याची घटना उघडकीस आली आहे. याप्रकरणी अलंकार पोलिसांनी दोघा भावांना अटक केली आहे. किशोर परमेश्वर केदार (वय २३), नकुल परमेश्वर केदार (वय २१, दोघे रा. गोसावी वस्ती, हॅप्पी काॅलनी, कोथरुड) अशी अटक करण्यात आलेल्यांची नावे आहेत. याबाबत शाळकरी मुलीने अलंकार पोलीस ठाण्यात फिर्याद दिली आहे. पीडित मुलगी शिकवणीला जायची. आरोपी नकुल तिची छेड काढायचा.
हेही वाचा : नवले पूल परिसरात पुन्हा अपघात; टेम्पो उलटून एकाचा मृत्यू
छेडछाडीमुळे घाबरलेल्या मुलीने नकुलचा मोठा भाऊ किशोर याच्याकडे तक्रार केली. किशोरने मुलीला धमकावून तिला एका घरात नेले. तेथे तिच्यावर बलात्कार केला. माझ्या भावाची तक्रार केल्यास तुला जीवे मारु, अशी धमकी दिली. मुलीला जातीवाचक शिवीगाळ केली. मुलीने नुकतीच पोलिसांकडे तक्रार दिली. त्यानंतर पोलिसांनी गुन्हा दाखल करुन किशोर आणि नकुल यांना अटक केली. पोलीस उपनिरीक्षक शेख तपास करत आहेत.
