श्रीमंत दगडूशेठ हलवाई गणपती : श्रीराम मंदिर देखाव्याचे गुरुबाबा महाराज औसेकर यांच्या हस्ते उद्घाटन in pune shreemant dagdusheth halwai ganpati mandir decoration inaugurated by gurubaba maharaj ausekar ganeshotsav 2023

मंदिर परिसर व मार्गामध्ये ६० खांबांवर वानरसेनेच्या मूर्तींसह रामायणातील घटनांचा आढावा हा चित्र व लेखन स्वरुपात मांडण्यात आला आहे.

Written by लोकसत्ता टीम

पुणे

September 19, 2023 21:26 IST

ganeshotsav 2023 pune, shreemant dagdusheth halwai ganpati mandir, decoration inaugurated by gurubaba maharaj ausekar

श्रीमंत दगडूशेठ हलवाई गणपतीच्या श्रीराम मंदिर देखाव्याचे गुरुबाबा महाराज औसेकर यांच्या हस्ते उद्घाटन (छायाचित्र - लोकसत्ता टीम)

पुणे : श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळाच्यावतीने ट्रस्टच्या १३१ व्या वर्षी गणेशोत्सवात अयोध्येतील प्रभू श्रीराम मंदिराची प्रतिकृती साकारण्यात आली आहे. या सजावटीचे उद्घाटन औसा संस्थान, नाथ संस्थानचे पिठाधीपती प.पू. गुरुबाबा महाराज औसेकर यांच्या हस्ते करण्यात आले. हा उद्घाटन सोहळा पाहण्यास हजारो भाविकांनी एकच गर्दी केली होती.

अयोध्येतील प्रभू श्रीराम मंदिराच्या प्रतिकृतीचा आकार १२५ फूट लांब, ५० फूट रुंद आणि १०० फूट उंच आहे. प्रतिकृतीमध्ये २४ खांब व २४ कमानी उभारण्यात आल्या आहेत. मंदिराचा मुख्य घुमट १०० फुटांपेक्षा उंच असून ध्वजासहित सुमारे १०८ फूट उंच मंदिर आहे. याशिवाय मंदिराचे छोटे आणि मोठे असे रेखीव ११ कळस आहेत. तसेच मुख्य सभागृहात श्री गणरायाचे मखर सोनेरी रंगाच्या छटांमध्ये असून सभोवताली सुशोभित कमानी आहेत.

हेही वाचा : पुणे: ओंकार रथातून मंडईच्या शारदा गजाननची आगमन मिरवणूक

मंदिर परिसर व मार्गामध्ये ६० खांबांवर वानरसेनेच्या मूर्तींसह रामायणातील घटनांचा आढावा हा चित्र व लेखन स्वरुपात मांडण्यात आला आहे. तर भगवान श्रीराम तसेच प्रवेशद्वारावर श्री हनुमंत आणि वानरसेनेच्या वानरांच्या प्रतिकृती देखील आहेत.