पुणे : कौन्सिल फॉर इंडियन स्कूल सर्टिफिकेट एक्झामिनेशनतर्फे (सीआयएससीई) घेण्यात आलेल्या दहावी (आयएससीई) आणि बारावीच्या (आयएससी) परीक्षेचा निकाल जाहीर करण्यात आला. त्यात राष्ट्रीय स्तरावर दहावीचा निकाल ९९.४७ टक्के, तर बारावीचा निकाल ९८.१९ टक्के लागला. गेल्या वर्षी दहावीचा निकाल ९८.९४ टक्के, तर बारावीचा निकाल ९६.९३ टक्के लागला होता. त्यामुळे दोन्ही निकालांमध्ये वाढ झाली असून, राज्याचा दहावीचा निकाल ९९.९६ टक्के, तर बारावीचा निकाल ९९.७१ टक्के लागला.

सीआयएससीईतर्फे दहावीची परीक्षा २१ फेब्रुवारी ते २८ मार्च या कालावधीत घेण्यात आली होती. दहावीची परीक्षा दोन लाख ४३ हजार ६१७ विद्यार्थ्यांनी दिली होती. त्यातील दोन लाख ४२ हजार ३२८ विद्यार्थी उत्तीर्ण झाले. मुलांच्या उत्तीर्णतेचे प्रमाण ९९.३१ टक्के आणि मुलींच्या उत्तीर्णतेचे प्रमाण ९९.६५ टक्के आहे. या परीक्षेसाठी नोंदणी केलेल्या दोन हजार ६९५ शाळांपैकी दोन हजार २२३ (८२.४८ टक्के) शाळांचा निकाल १०० टक्के लागला. दहावीची परीक्षा दोन हजार ५०३ केंद्रांवर घेण्यात आली होती.

Job scam gang
बेरोजगारांनो सावधान! नोकरीचे आमिष दाखवून फसवणारी टोळी पुन्हा सक्रिय
information has been retained even after the draw of RTE selection list of students will be announced after June 12
‘आरटीई’ची सोडत काढूनही माहिती राखून ठेवली, आता प्रतीक्षा १२ जूनची; कुणाला कुठली शाळा…
Students of the state will get free residential training and subsistence allowance of UPSC
राज्यातील विद्यार्थ्यांना मिळणार ‘यूपीएससी’चे मोफत निवासी प्रशिक्षण आणि निर्वाह भत्ता, २८ जूनपर्यंत अर्ज करण्याची मुदत…
Pimpri Chinchwad Municipal Corporation, pcmc halts DBT Scheme, School Supplies Switches to Supplier Tender, pimpri news, school news,
पिंपरी : महापालिकेचा ‘डीबीटी’ला हरताळ!
state board, distribution,
बारावीच्या गुणपत्रिकांच्या वितरणाबाबत राज्य मंडळाने दिली माहिती, पुढील प्रवेशाचा मार्ग मोकळा
SSC result of Mumbai division is 95.83 percent an increase of 2 percent over last year
मुंबई विभागाचा निकाल ९५.८३ टक्के, गतवर्षीच्या तुलनेत २ टक्क्यांनी वाढ
ashwini kosta pune porsche accident
“रुग्णवाहिका येतेय, मृतदेह अर्धा तास शवागृहात ठेवा, अश्विनी कोस्टाच्या पालकांची विनंती रुग्णालयाने धुडकावलेली”, काँग्रेसचा संताप
Legal Drinking Age, Legal Drinking Age in Bars and Pubs, Confusion Over Legal Drinking Age, pune Porsche car accident,
मद्याप्राशनाचे नेमके वय किती? नियमाच्या माहितीअभावी संभ्रम

हेही वाचा – “खरी शिवसेना ही एकनाथ शिंदेंची; उद्धव ठाकरेंना राहुल गांधी समोर मुजरा…”, देवेंद्र फडणवीस यांची टीका

बारावीची परीक्षा १२ फेब्रुवारी ते ४ एप्रिल या कालावधीत घेण्यात आली. बारावीची परीक्षा दिलेल्या ९९ हजार ९०१ विद्यार्थ्यांपैकी ९८ हजार ८८ विद्यार्थी उत्तीर्ण झाले. त्यात मुलींच्या तुलनेत मुलांच्या उत्तीर्णतेची टक्केवारी अधिक आहे. ५२.४२ टक्के मुले, तर ४७.१८ टक्के मुली उत्तीर्ण झाल्या. या परीक्षेसाठी नोंदणी केलेल्या एक हजार ३६६ शाळांपैकी ९०४ (६६.१८ टक्के) शाळांचा निकाल १०० टक्के लागला. या परीक्षेसाठी एक हजार २८५ परीक्षा केंद्रे होती.

हेही वाचा – बारामती लोकसभा मतदार संघात कडक बंदोबस्त, तीन हजार पोलीस बंदोबस्तास तैनात

राज्याचा विचार करता, दहावीचा निकाल ९९.९६ टक्के, तर बारावीचा निकाल ९९.७१ टक्के लागला. २६५ शाळांतून दहावीची परीक्षा दिलेल्या २८ हजार ५८८ विद्यार्थ्यांपैकी २८ हजार ५७७ विद्यार्थी उत्तीर्ण झाले. त्यात १५ हजार ४१५ (९९.९४ टक्के) मुले, तर १३ हजार १६२ (९९.९९ टक्के) मुलींचा समावेश आहे. बारावीचा निकाल ९९.७१ टक्के लागला असून, परीक्षा दिलेल्या तीन हजार ८४० विद्यार्थ्यांपैकी तीन हजार ८२९ विद्यार्थी उत्तीर्ण झाले. त्यात एक हजार ७३५ (९९.५४ टक्के) मुले, तर दोन हजार ९४ (९९.८६ टक्के) मुली आहेत. राज्याच्या दहावी आणि बारावीच्या निकालात मुलांच्या तुलनेत मुलींच्या उत्तीर्णतेची टक्केवारी अधिक असल्याचे दिसून येते.