हडपसर भागात कोयता गँगची दहशत, तरुणावर हल्ला; अल्पवयीन मुलांवर गुन्हा

याबाबत मिलिंद मधुकर कांबळे (वय २३, रा. हडपसर) याने फिर्याद दिली आहे. त्याने दिलेल्या फिर्यादीनुसार सात अल्पवयीन मुलांविरुद्ध गुन्हा दाखल करण्यात आला असून, त्यांना ताब्यात घेण्यात आले आहे. याप्रकरणी आदित्य राम खैरे (वय १९, रा. हडपसर) याला अटक करण्यात आली आहे.

हेही वाचा… पुणे : मोटारचालकाची मुजोरी; पीएमपी चालकाला मारहाण

पोलिसांनी दिलेल्या माहितीनुसार, मिलिंद कांबळे, त्याचे मित्र विकी गायकवाड, शुभम चाबुकस्वार हे म्हाडा काॅलनी परिसरात गप्पा मारत होते. त्यावेळी अल्पवयीन मुलाने विकी गायकवाडशी झालेल्या भांडणातून वाद घालण्यास सुरुवात केली. अल्पवयीन मुलगा आणि साथीदारांनी मिलिंद कांबळे याच्यावर कोयत्याने वार केले. त्यानंतर त्यांनी कोयते उगारून दहशत माजविली. पोलीस उपनिरीक्षक पाटील तपास करत आहेत.