आषाढ महिन्यातील शेवटच्या रविवारी लोणावळ्यात पर्यटकांची गर्दी ; कोंडीमुळे पर्यटकांसह रहिवाशांना मनस्ताप

लोणावळा, खंडाळा परिसरातील सर्व ठिकणी पर्यटकांची गर्दी झाली होती. श्री एकवीरा देवीच्या दर्शनासाठी मुंबई, ठाणे परिसरातील भाविकांनी दर्शनासाठी गर्दी केली होती. वेहेरेगाव ते कार्ला फाटा परिसरात वाहनांच्या रांगा लागल्या होत्या. लोणावळा शहरात पुणे-मुंबईतून मोठ्या संख्येने मोटारीतून पर्यटक आले होते. खंडाळ्यात मोठ्या प्रमाणावर कोंडी झाली होती. खंडाळ्यातील शासकीय रुग्णालय परिसरात वाहनचालकांना कोंडीत अडकावे लागल्याने मनस्तापाला सामोरे जावे लागले. लोणावळ्यातील रायवुड पार्क, सहारा पूल ते मावळ चौकापर्यंत वाहनांच्या रांगा लागल्या होत्या.