पुण्यातील भोसरी एमआयडीसीमध्ये महिलेचा विनयभंग, घटना सीसीटीव्हीत कैद

या घटनेच्या सीसीटीव्ही फुटेजमध्ये आरोपी नवनाथ शेटे पीडित महिलेच्या पतीला मारहाणीसाठी अंगावर धावून जाताना दिसत आहे. यावेळी महिलेने याला विरोध केल्यानंतर आरोपीने महिलेचा टी-शर्ट धरून ढकलल्याचं दिसत आहे.

हेही वाचा : डोंबिवलीतील मानपाडा पोलीस ठाण्यात विनयभंगातील आरोपीचा मृत्यू, पोलीस म्हणाले…

पीडित महिलेने रेकॉर्ड केलेल्या व्हिडीओत काही संभाषण ऐकायला येत आहे. यानुसार आरोपी तक्रारदार महिलेच्या पतीकडे घेतलेले पैसे मागताना दिसत आहे. यावर पीडित महिला आरोपीला पहिलवानकीचा धाक दाखवत बोलत असल्याचा आरोप करते. तसेच पोलीस तक्रार देण्यासाठी एमआयडीसी शॉपमधून बाहेर पडते. मात्र, तेथेच आरोपी आणि पीडित महिलेच्या पतीमध्ये धक्काबुक्की होते.