एकपात्री कलाकारांना उज्ज्वल भविष्य – डॉ. सतीश देसाई यांचे मत

मराठी रंगभूमीवर एकपात्री कलाप्रकार रुजवणारे मधुकर टिल्लू यांच्या स्मृतिदिनानिमित्त एकपात्री कलाकार परिषद, महाराष्ट्र आणि निळू फुले कला अकादमी यांच्या वतीने आयोजित विविध कला महोत्सवाचे उद्घाटन डॉ. सतीश देसाई यांच्या हस्ते झाले. त्या वेळी ते बोलत होते. एकपात्री कलाकार परिषदेच्या उपाध्यक्ष मंजूषा जोशी, सचिव पल्लवी परब-भालेकर आणि प्रसिद्ध एकपात्री कलाकार मकरंद टिल्लू या वेळी उपस्थित होते. अंजली शहा यांना ‘आर्टिस्ट ऑफ द इयर’ हा पुरस्कार देऊन सन्मानित करण्यात आले.

‘एकपात्री कला क्षेत्रात टिल्लू कुटुंबाने घराणेशाहीचे उत्तम उदाहरण समाजासमोर निर्माण केले आहे,’ अशी टिप्पणी करून देसाई यांनी मधुकर टिल्लू यांच्या व्यक्तिमत्त्वाचे विविध पैलू उलगडले.