मला बऱ्याच गोष्टींसाठी सगळेजण जाणीवपूर्वक ट्रोल करत आहेत – गौतमी पाटील

या घटनेला जवळपास आठ दिवसाचा कालावधी होत आला तरी देखील गौतमी पाटील यांनी त्यांची भूमिका मांडली नव्हती. त्या सर्व घडामोडी दरम्यान गौतमी पाटील यांचा पुणे जिल्ह्यातील इंदापूर तालुक्यात कार्यक्रम आयोजित करण्यात आला होता. त्या कार्यक्रमानंतर गौतमी पाटील यांनी प्रसार माध्यमांच्या प्रतिनिधी सोबत संवाद साधला असता त्या म्हणाल्या,ती कार माझी आहे.पण मी अपघाताच्या वेळी कारमध्ये नव्हते.मी हे अगोदर देखील सांगितले असून त्या अपघाताच्या घटनेच्या प्रकरणी पोलिसांनी सीसीटीव्ही देखील तपासले आहे. मी यामध्ये दोषी नसल्याचे पोलिसांनी सांगितले आहे.तरी देखील मला दोषी ठरविले जात आहे.त्यामुळे मी या गोष्टीकडे जास्त लक्ष देणार नाही.मी ज्या गोष्टीमध्ये नाही.त्या गोष्टीमध्ये मला पाडू नका,मला बर्‍याच गोष्टी करिता सगळे जण जाणीवपुर्वक ट्रोल करीत आहेत.त्यामुळे मला कोण काय म्हणतय,या गोष्टीकडे मी लक्ष देत नाही.त्यामुळे मी म्हणेल आणखी ट्रोल करा,अशी भूमिका त्यांनी मांडली.

तसेच त्या पुढे म्हणाल्या, त्या अपघातातील जखमी व्यक्ती आणि कुटुंबीयांची भेट घेण्यासाठी माझे भाऊ गेले होते.आम्ही त्यांना मदतीचा हात पुढे केला होता.मात्र त्यांनी गुन्हा दाखल असल्याने,ती मदत नाकारली आहे.त्यामुळे आता यापुढे सर्व गोष्टी न्याय मार्गाने होईल,अशी भूमिका त्यांनी मांडली. भाजपचे नेते मंत्री चंद्रकांत पाटील यांनी पोलिसांना फोन करून आदेश दिले की,गौतमी पाटीलला उचलणार आहेत का नाही.त्या प्रश्नावर गौतमी पाटील म्हणाल्या,दादा जे बोलले हा ज्याचा त्याचा वैयक्तिक प्रश्न असल्याचे त्यांनी सांगितले.