पुण्यात मेघगर्जनेसह मुसळधार पावसाला सुरुवात

राज्याच्या अनेक भागात १८ मार्चपर्यंत जोरदार पाऊस पडण्याची शक्यता हवामान विभागाने वर्तवली होती. अनेक ठिकाणी पावसाने जोरदार हजेरी लावली असून अनेक ठिकाणी ढगाळ वातावरण आहे. दरम्यान चार नंतर पुणे शहर आणि परिसरातही मेघगर्जनेसह मुसळधार पावसाला सुरुवात झाली आहे. या पावसामुळे नागरिकांची चांगलीच तारांबळ उडाल्याचे चित्र बघायला मिळाले.