पुणे: टोमॅटो, काकडी, फ्लाॅवरचे भाव झाले स्वस्त; अंबाडी, पालकाचे दर कडाडले

हेही वाचा >>>पुणे : हाॅटेल व्यावसायिकाकडे दोन लाखांची खंडणी मागणारे गजाआड

पुणे विभागातून सातारी आले ११०० ते १२०० गोणी, टोमॅटो ९ ते १० हजार पेटी, भेंडी ५ ते ६ टेम्पो, हिरवी मिरची ५ ते ६ टेम्पो, फ्लाॅवर १० ते १२ टेम्पो, कोबी ५ ते ६ टेम्पो, ढोबळी मिरची ८ ते १० टेम्पो, तांबडा भोपळा १० ते १२ टेम्पो, घेवडा २ ते ३ टेम्पो, काकडी ८ ते १० टेम्पो, कांदा १०० ट्रक अशी आवक झाली.

अंबाडी, पालकाच्या दरात वाढ
मार्केट यार्डातील तरकारी विभागात अंबाडी आणि पालक या पालेभाज्यांच्या दरात वाढ झाली. चाकवत, राजगिऱ्याच्या दरात घट झाली असून मेथी, शेपू, चाकवत, राजगिरा, मुळा, चुका, हरभरा गड्डीचे दर स्थिर असल्याची माहिती तरकारी विभागातील व्यापाऱ्यांनी दिली. घाऊक बाजारात कोथिंबिरीच्या एक लाख जुडींची आवक झाली. मेथीच्या ५० हजार जुडींची आवक झाली. घाऊक बाजारात अंबाडीच्या दरात १ रुपयांनी तसेच पालकाच्या दरात २ रुपयांनी वाढ झाली आहे. चाकवत, राजगिऱ्याच्या दरात जुडीमागे १ रुपयांनी घट झाली.

हेही वाचा >>>जगताप कुटुंबीयांचा उमेदवार असल्यास तुमचा उमेदवार उभा करू नका; भाजपाकडून पत्राद्वारे विरोधकांना आवाहन

लिंबू, कलिंगड, खरबुजच्या दरात घट
मार्केट यार्डातील फळबाजारात कलिंगड, खरबूज, लिंबांच्या दरात घट झाली असून बोरांच्या दरात वाढ झाली आहे. संत्री, माेसंबी, अननस, सफरचंद, पपई, चिकूचे दर स्थिर असल्याची माहिती व्यापाऱ्यांनी दिली. फळबाजारात लिंबू २ ते अडीच हजार गोणी, अननस ६ ट्रक, डाळिंब २० ते २५ टन, मोसंबी ४० ते ५० टन, संत्री ३५ ते ४० टन, बोरे ४०० गोणी, चिकू १ गोणी, कलिंगड ८ ते १० टेम्पो, खरबूज ८ ते १० टेम्पो, पपई ७ ते ८ टेम्पो, सफरचंद २ ते अडीच हजार पेटी अशी आवक झाली.