पावसामुळे दैना! पुणे-मुंबईदरम्यान २० जुलैला ‘या’ रेल्वे गाड्या रद्द

पावसामुळे बदलापूर आणि अंबरनाथ दरम्यान लोहमार्ग पाण्याखाली गेल्याने आज सकाळपासून रेल्वे वाहतूक विस्कळीत विस्कळीत झाली. आज मुंबई-पुणे डेक्कन क्वीन, मुंबई-पुणे सिंहगड एक्स्प्रेस, पुणे-मुंबई डेक्कन एक्स्प्रेस, पुणे-मुंबई इंटरसिटी एक्स्प्रेस आणि पुणे-मुंबई इंद्रायणी एक्स्प्रेस रद्द करण्यात आल्या. उद्याही (गुरूवार) या गाड्या रद्द असणार आहेत. आज कल्याणमार्गे जाणाऱ्या गाड्या प्रामुख्याने विस्कळीत झाल्या. त्यामुळे काही गाड्या पनवेलमार्गे पुढे रवाना झाल्या.

आणखी वाचा-अतिवृष्टीमुळे आवश्यकतेनुसार विद्यार्थी सुरक्षेसाठी शाळांना सुटी, शिक्षण आयुक्तांचे जिल्हाधिकाऱ्यांना निर्देश

याचबरोबर कोल्हापूर-मुंबई कोयना एक्स्प्रेस ही गाडी पुण्यापर्यंत धावली. ती पुढे मुंबईकडे रवाना झाली नाही. मुंबई-गदग एक्स्प्रेस गाडी पुण्यातून गदगला रवाना झाली. दौंड-इंदोर एक्स्प्रेसचा मार्ग बदलून ती दौंड-मनमाड-जळगाव-सुरतमार्गे रवाना झाली. बदलापूर- अंबरनाथ दरम्यान लोहमार्गावरील पाणी ओसरत असून, रात्री उशिरा रेल्वे सेवा सुरळीत होईल, अशी माहिती जनसंपर्क अधिकारी रामदास भिसे यांनी दिली.

२० जुलैला रद्द गाड्या

-पुणे-मुंबई डेक्कन क्वीन

-पुणे-मुंबई सिंहगड एक्स्प्रेस

-मुंबई-पुणे डेक्कन एक्स्प्रेस

-मुंबई -पुणे इंटरसिटी एक्स्प्रेस

-मुंबई-पुणे इंद्रायणी एक्स्प्रेस