‘निवडणूक एकतर्फी कशी होते ते बघतोच मी’…वसंत मोरे यांचे विधान

मनसेच्या स्थापनेपासून कार्यरत असणारे आणि राज ठाकरे यांचे कट्टर समर्थक वसंत मोरे यांनी गेल्या आठवड्यात मनसेचा राजीनामा दिला होता. लोकसभा निवडणूक लढविण्याची जाहीर इच्छा त्यांनी बोलून दाखविली होती. काँग्रेसकडून उमेदवारी मिळावी, यासाठी ते आग्रही होते. त्यासंदर्भात त्यांनी महाविकास आघाडीचे नेते शरद पवार, संजय मोरे यांची भेट घेतली होती. पुण्यातील त्यांचे एकेकाळचे सहकारी, कसब्याचे विद्यमान आमदार रवींद्र धंगेकर आणि प्रभारी शहराध्यक्ष अरविंद शिंदे त्यांच्या भावना समजून घेतली असेही मोरे यांनी म्हटले होते.

हेही वाचा…विद्यापीठ चौकातील कोंडी सोडविण्यासाठी उपाययोजना; गणेशखिंड रस्त्यावर अंशत: वाहतूक बदल

महाविकास आघाडीत पुणे लोकसभेची जागा काँग्रेसकडे आहे. त्यानुसार धंगेकर यांचे नाव जवळपास निश्चित झाले आहे. या पार्श्वभूमीवर मोरे यांनी निवडणूक एकतर्फी कशी होते असे विधान समाजमाध्यमातून केले आहे. ‘देखिए जी ये शहर है तुम्हारा, लेकिन इस शहर में दबदबा है हमारा..’ असेही मोरे यांनी म्हटले आहे.