scorecardresearch

आवडत्या Stock पुढे ‘हे’ चिन्ह लावा आणि मिळवा संपूर्ण माहिती, गुंतवणूकदारांसाठी ट्विटरचे अनोखे फीचर

Financial Feature Twitter : मस्क यांनी गुंतवणूकदार, व्यापारी, आर्थिक तज्ज्ञ आणि संस्थांसाठी गुरुवारी एक अनोखे फीचर सादर केले आहे. काय आहे हे फीचर आणि ते कसे काम करते? जाणून घेऊया.

आवडत्या Stock पुढे ‘हे’ चिन्ह लावा आणि मिळवा संपूर्ण माहिती, गुंतवणूकदारांसाठी ट्विटरचे अनोखे फीचर

Financial Feature Twitter : इलॉन मस्क यांनी ट्विटर हातात घेतल्यानंतर त्यातील फीचर्समध्ये काही बदल केले आहेत. मस्क यांनी ब्ल्यू टीक सेवा नवीन स्वरुपात उपलब्ध केली आणि ट्विटसाठीची अक्षर मर्यादा देखील वाढणार असल्याचे काही अहवालांतून समोर आले होते. आता मस्क यांनी गुंतवणूकदार, व्यापारी, आर्थिक तज्ज्ञ आणि संस्थांसाठी गुरुवारी एक अनोखे फीचर सादर केले आहे. काय आहे हे फीचर आणि ते कसे काम करते? जाणून घेऊया.

ट्विटरच्या नवीन फीचरद्वारे युजरला ट्विटमध्ये क्रिप्टोकरन्सी, एक्सचेंज ट्रेडेड फंड आणि प्रमुख स्टॉक्सचे चार्ट आणी आलेख पाहण्यास मदत करेल. ट्विटर बिझनेस हँडलने या नवीन फीचरबाबत स्पष्टीकरण दिले आहे. जेव्हा तुम्ही मोठ्या स्टॉकच्या संक्षिप्त रुपला त्याच्या समोर ‘$’ हे चिन्ह लावून ट्विट कराल तेव्हा ते स्टॉक आपोआप क्लिक करण्यासाठी उपलब्ध होईल आणि ते युजरला त्या स्टॉकबाबतच्या शोध परिणामांवर घेऊन जाईल जे किंमतीचा आलेख आणि त्याबद्दलचा इतर डेटा दर्शवेल.

जेव्हा तुम्ही प्रमुख स्टॉक, ईटीएफ किंवा क्रिप्टोकरन्सीचे चिन्ह ‘$’ सह ट्विट कराल जसे ($BTC) तेव्हा लोकांना क्लिक होणारी लिंक दिसून येते जी त्यांना शोध परिणामांवर घेऊन जाते. आजपासून या शोध परिणामांमध्ये प्रमुख चिन्हांसाठी किंमत दर्शवणारे आलेख समाविष्ट असतील, असे ट्विटरच्या बिझनेस हँडलकडून ट्विट करण्यात आले आहे.

(६३ हजारांच्या आत मिळवा महागडा Iphone 14, ‘या’ वेबसाईटवरून करा खरेदी)

तुम्ही ट्विटमध्ये लिंकवर क्लिक न करता थेट चिन्हे शोधू शकता. $ सह किंवा त्याशिवाय अनेक चिन्हे तुम्ही शोधू शकता (QQQ or $QQQ), असेही ट्विटर बिझिनेस हँडलकडून ट्विट करून सांगण्यात आले आहे. इलॉन मस्क यांनी हे फीचर ट्विटरवर सादर केल्याबद्दल ट्विटर टिमचे कौतुक केले आहे.

मराठीतील सर्व तंत्रज्ञान ( Tech ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 22-12-2022 at 13:40 IST

संबंधित बातम्या